İqtisadiyyat

Azərbaycanda illik inflyasiya - 2,8% Təşkil Edib

Azərbaycanda illik inflyasiya - 2,8% Təşkil Edib | FED.az
12:12 10 Dek 2020

Bu ilin yanvar-noyabr aylarında Azərbaycanda istehlak qiymətləri indeksi 2019-cu ilin eyni dövrünə nisbətən 102,8%, o cümlədən ərzaq məhsulları, içkilər və tütün məmulatları üzrə 105%, qeyri-ərzaq məhsulları üzrə 101,3%, əhaliyə göstərilmiş ödənişli xidmətlər üzrə 101% təşkil edib.

Eləcə də bax: Azərbaycanda illik inflyasiya - 2,8%-ə Düşüb

FED.az xəbər verir ki, bu barədə Dövlət Statistika Komitəsinin açıqlamasında deyilir.

Qeyd olunub ki, cari ilin noyabr ayında istehlak qiymətləri indeksi əvvəlki aya nisbətən 100,5%, əvvəlki ilin noyabr ayına nisbətən 102,4% təşkil edib.

Ötən ay ərzaq məhsulları, içkilər və tütün məmulatları üzrə istehlak qiymətləri indeksi əvvəlki aya nisbətən 100,4%, əvvəlki ilin noyabr ayına nisbətən 103,9% olub.

“2020-ci ilin noyabr ayında qeyri-ərzaq məhsulları üzrə istehlak qiymətləri indeksi əvvəlki aya nisbətən 100,1%, əvvəlki ilin noyabr ayına nisbətən 101,2% təşkil edib. Noyabrda əhaliyə göstərilmiş ödənişli xidmətlər üzrə istehlak qiymətləri indeksi əvvəlki aya nisbətən 100,9%, əvvəlki ilin noyabr ayına nisbətən 101,1% olub”, - açıqlamada deyilir. (Apa)

Banner

Digər xəbərlər