EUR
Avrozona iqtisadiyyatına dair risklərin artması, EUR/USD məzənnəsinin də 1.19$-da müqavimətlə rastlaşmasına səbəb olur. Təhlillərə əsasən, son ucuzlaşma dalğası 1.1785 səviyyyəsinin qırılması ilə nəticələnərsə, ucuzlaşma 1.17$-a kimi davam edə bilər.
Bununla yanaşı, cümə günü Bakı vaxtı ilə saat 13:00-da Avrozonadan dərc ediləcək inflyasiya göstəriciləri də diqqət mərkəzində olacaqdır.
GBP
GBP/USD məzənnəsində də eyni mənzərə müşahidə edilir və ucuzlaşma 1.3726 səviyyəsinə kimi davam edə bilər.
Burada isə ticarətçilər daha çox bazar ertəsi saat 10:00-da İngiltərənin əmək bazarı, çərşənbə günü inflyasiya və cümə günü ticarət dövriyyəsi ilə bağlı açıqlanacaq önəmli fundamental göstəricilərinə kökləniblər.
TRY
Türkiyədə yüksək inflyasiya lirəni təzyiq altında saxlamaqda davam edir. Beləliklə, 8.50TL-ə ticarət edilən USD/TRY məzənnəsi 8.55TL-ə kimi də yüksələ bilər.
Bazar ertəsi saat 11:00-da dərc ediləcək pərakəndə satış dövriyyəsi də investorlar tərəfindən böyük maraqla izlənilir.
OIL
Enerji birjalarında demək olar ki, son altı ilin maksimumlarında ticarət edilən Brent neftinin bir barel qiyməti 74$-da yenidən müqavimətlə rastlaşıb və yenidən 71$-a kimi geriləyə bilər.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD
ABŞ və Avrozonanın monetar siyasətlərini sərtləşdirmələri xəbəri, qızılın daha da dəyər itirməsinə səbəb olur. Bu, bir unsiya üzrə qiymətin 1783$-ın (57.4 $/qram) qırılması ilə 1752$-a (56.3 $/qram) kimi ucuzlaşması ilə nəticələnə bilər.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
