InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR.
Amerikanın əmək bazarında dair cümə günü Bakı vaxtı ilə saat 16:30-da dərc ediləcək önəmli fundamental göstəricilər fonunda proqnozların yaxşılaşması, EURUSD məzənnəsinin ucuzlaşmasına səbəb olub. Beləliklə, hazırda 1.22$-ın altında təklif edilən qiymətin, gələcək trendi açıqlanacaq statistik məlumatlardan asılı olacaqdır.
Avrozonada daxili ticarət dövriyyəsinin zəifləməsi və inflyasiyada artımın müvəqqəti olması proqnozları da diqqət mərkəzində saxlanılan vacib hadisədir.
GBP.
GBPUSD məzənnəsi də dollar indeksindən asılı olaraq 1.42$-ın altında dalğalanmaqdadır. Bununla yanaşı, İngiltərənin xarici ticarətinin Breksitdən mənfi təsirlənəcəyi narahatlığı da getdikcə artır.
Təhlillərə əsasən, cari həftə ərzində 1.41$ aşağı istiqamətdə qırılarsa, ucuzlaşmanın sürətlənəcəyi ehtimal edilir.
TRY.
USDTRY məzənnəsi də bahalaşır. Lirəni təzyiq altında saxlayan amillər arasında Türkiyədə inflyasiyanın 17.3%-ə yüksələcəyi proqnozları da önəmli rol oynayır.
Bu səbəbdən investorlar cümə axşamı saat 11:00-da yayımlanacaq ölkədə istehlak qiymətlərin illik artım dinamikası göstəricisinə kökləniblər.
OIL.
Enerji birjalarında Brent neftinin qiyməti son üç aydır korreksiya etdiyi səviyyələr aralığında dalğalanamaq davam edir. Beləliklə, gələcək günlər ərzində bir barel qiymətin 70$-ın altında 66$-ın üzərində ticarət edilməkdə davam edəcəyi ehtimal edilir.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD.
Əlvan metallar bazarlarında FED-in faiz artımı ehtimallarının güclənməsi, qızılın bahalaşma dinamikasının zəifləməsi və ucuzlaşa biləcəyinin proqnozlaşdırılmasına əsasları artırıb. 1893$ (60.9 $/qram) qırılarsa, bir unsiya üzrə qiymət 1851$-a (59.5 $/qram) qayıda bilər.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
