Amerikada açıqlanan yüksək inflyasiya göstəriciləri səbəbilə artan təzyiqlər dünya birjalarında dollara olan tələbin azalması ilə nəticələnir.
EUR/USD 1.20 HƏDLƏRİNDƏ
Dolların dünya birjalarının dəyər itirməsi fonunda EUR/USD cütlüyü 1.20 hədləri üzərində ticarət edilir. Təhlillərə əsasən qiymət 1.2037 hədləri üzərində möhkəmlənə bilərsə, artımların 1.2102 və 1.2157 hədlərinə qədər davam edəcəyi proqnozlaşdırılır.
GBP/USD CÜTLÜYÜ 1.40 HƏDLƏRİNİ TEST ETDİ
GBP/USD valyuta cütlüyünə H1-da nəzər yetirdikdə, qiymətin 1.40 hədlərinə qədər bahalaşdığı müşahidə olunur. Əgər 1.4017 həddi qırılarsa, cütlük 1.4064 və 1.4136 səviyyələrinə kimi bahalaşa bilər.
Qedy edək ki, bu gün Bakı vaxtı ilə saat 10:00-da İngiltərədə əmək bazarına dair statistik göstəricilər açıqlanacaqdır.
QIZIL 1750$ HƏDLƏRİNDƏ
Qızılda FED-in pul - kredit siyasəti və inflyasiya göstəriciləri fonunda artım tendensiyası süətlənib. Hazırda bir unsiya üzrə dəyəri 1770$ olan qızılda 1781$ həddi qırılarsa, qiymətli metal 1797$ və 1810$-a kimi bahalaşa bilər.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
