Amerikanın istehlak dövriyyəsinə dair göstəricinin çərşənbə axşamı proqnozlaşdırılandan yaxşı dərc edilməsi, İngiltərənin Breksit sazişində nəzərdə tutulan Şimali İrlandiya maddəsini pozmaqla, AB ilə münasibətləri daha da gərginləşdirməsi və yeni mutasiyaların korona, beləliklə, qlobal ticarət böhranını dərinləşdirməsi riskləri, hazırda maliyyə bazarlarında əsas diqqət mərkəzində olan hadisələrdir.
Yeni həftənin başlaması ilə avro 1.21, funt sterlinq 1.39$-ın altında müqavimətlə rastlaşıb. Dollar indeksi üzrə təhlillərə əsasən isə 91 və 91.4 punktların qırılması, növbəti bahalaşma dalğasını alovlandıra bilər.
USD/JPY məzənnəsi də yuxarıdaki tendensiyanın təsiri altında olsa da, USD/RUB son faiz artımından faydalanaraq, bir ayın minimumlarında qərarlaşıb, USD/TRY TCMB-nin gələn həftə açıqlanacaq yeni qərarını gözləyir.
Foreks bazarlarında dollarda bahalaşma ehtimalları, əlvan metallar bazarlarında qızılın son bahalaşma dalğası fonunda korreksiyasının dərinləşməsinə səbəb olur. Növbəti yaxın qiymət dəstəkləri 1752 və 1738$-dır.
Kriptovalyuta birjalarında isə bitkoinin qiyməti ilə dolların qiyməti arasında müsbət korrelasiya müşahidə edilir və 58028$-ın qırılması önəmli müqavimət səviyyəsidir.
Bütün bunlarla yanaşı, treyderlər bu gün Bakı vaxtı ilə saat 22:30-da baş tutacaq FED-in mətbuat konfransını gözləyirlər. Buradaki açıqlamalar dolların gələcək qiyməti üçün önəmli olacaqdır.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
