FED-in toplantı protokolunda istiqraz alışı proqramının noyabr ayında azaldılmasına başlamasının dəqiq, lakin faiz artımına başlanılması fonunda idarə heyəti üzvləri arasında ümumi razılığın olmamasının göstərilməsi, dollarda korreksiyalara səbəb olub. Beləliklə, dollar indeksində korreksiya noyabr toplantısına kimi davam edə bilər. Bütün bunlar avronun 1.16 - 1.15, funt sterlinqin 1.38$-a kimi bahalaşa biləcəyini proqnozlaşdırmağa əsas verir.
Gələcək monetar siyasətlərlə bağlı yaranmış qərarsızlıq əlvan metallar bazarlarında qızıla olan tələbi də artırmışdır. Bu, bir unsiya üzrə qiymətin 1825$-a kimi dəyər qazana biləcəyi deməkdir.
Foreks bazarlarında dolların ucuzlaşması, kriptovalyuta birjalarında bitkoinə də əlavə dəstək vermişdir. Hazırda 58 min dolların üzərində ticarət edilən BTC/USD məzənnəsi 65 min dollara kimi dəyər qazana bilər.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
