Banner

İnvestisiya

Avro və funt sterlinq - Dəyər İtirə Bilər

Avro və funt sterlinq - Dəyər İtirə Bilər | FED.az
09:00 24 İyun 2021

Amerikanın əmək bazarına dair proqnozların yenidən yaxşılaşması dollar indeksinin yenidən yüksəlməsinə səbəb olub. Bu baxımından bu gün Bakı vaxtı ilə saat 16:30-da dərc ediləcək işsizlik müavinətlərinə dair statistik göstəricilər önəmli rol oynayacaqdır. Burada müsbət tendensiya dollar indeksin də 92 punktu qırmasına səbəb ola bilər. Əks təqdirdə, dolların digər aparıcı valyutalara nisbətən orta qiymətində cari həftə ərzində müşahidə edilən 1%-lik korreksiya 0.5%-ə kimi dərinləşə bilər. 

Avrozona və İngiltərənin sənaye sektorları ilə bağlı fundamental göstəricilərin yaxşı açıqlanmasına baxmayaraq, EUR/USD və GBP/USD məzənnələri dollarda tendensiya ilə əlaqədar təzyiq altında qalmaqdadırlar. Beləliklə, avro 1.20$-ın altında qaldqıca 1.18, funt sterlinq 1.40$-ın altında qaldıqca, 1.38$-a kimi dəyər itirə bilər. 

Əlvan metallar bazarlarında qızıl da artan inflyasiya fonunda təzyiq altında qalmaqdadır. 1772$-ın qırılması, ucuzlaşmanın 1706$-a kimi davam etməsinə səbəb ola bilər. 

Kriptovalyuta birjalarında isə bitkoinin qiyməti Çində mayninqə məhdudiyyətlərin gücləndirilməsi xəbərlərindən sonra 28734$-a kimi ucuzlaşdıqdan sonra yenidən bahalaşmağa başlayıb. Bahalaşma spekulyativ amillərlə əlaqələndirilir və BTCUSD məzənnəsi 37287$-a kimi yüksələ bilər. Lakin orta müddətli perspektivdə bazarın təzyiq altında qaldığı müşahidə edilir və cari bahalaşma da korrektiv qiymətləndirilməlidir. 

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.

Banner
Banner

Digər xəbərlər