Azərbaycanda bir qədər əvvəl özbaşına tikililərin sənədləşdirilməsinə imkan verən "əmlak aministiyasından" sonra yeni özbaşına tikintilərin qarşısının alınması üçün sərt qaydalar tətbiq ediləcək.
Əsassız tikintini özbaşına tikilidən necə fərqləndirmək olar? – Ali Məhkəmədən izah
FED.az xəbər verir ki, bu Dünya Bankı Qrupunun “Business Ready” hesabatının “Biznesin yerləşdiyi yer (tikintiyə icazələrin verilməsi)” indikatoru ilə bağlı müvafiq sahədə təkmilləşmələrin və kommunikasiyanın həyata keçirilməsinə dair 2025-ci il üzrə Yol Xəritəsində öz əksini tapıb.
Özbaşına tikililərin sənədləşdirilməsi onların - QİYMƏTİNİ ARTARACAQ – EKSPERT AÇIQLADI
Sənədə əsasən, 2025-ci iln cari ilin 1 oktyabr tarixinə qədər, yəni qarşıdakı 1 ay ərzində özbaşına tikintilərin qarşısının alınması sahəsində məsuliyyətin gücləndirilməsi, həmçinin xüsusi şərtlərlə istifadə olunan ərazi zonaları (mühafizə, sanitar və sanitar-mühafizə zonaları), o cümlədən xətti obyektlərin və neft-qaz yataqlarının işlənməsi üçün təsərrüfat subyektlərinin istifadəsində olan torpaq sahələrində qanunsuz aparılan tikinti işlərinin qarşısının alınması ilə bağlı aidiyyəti qurumlar, mühafizə zonalarının yerləşdiyi torpaq sahələrinin sahibləri, istifadəçiləri, balanssaxlayıcıları, təsərrüfat subyektləri tərəfindən müvafiq tədbirlərin görülməsinin qanunvericilikdə nəzərə alınması ilə bağlı təkliflərin hazırlanaraq aidiyyəti üzrə təqdim olunması planlaşdırılır.
Torpaq sahəsinin özbaşına tutulmasına görə - CƏZA VƏ CƏRİMƏ
Digər tərəfdən, Yol Xəritəsinə əsasən, mütərəqqi beynəlxalq təcrübə nəzərə alınmaqla qanunsuz tikintilərin qarşısının alınması sahəsində qanunvericiliyin (o cümlədən nəzərdə tutulmuş məsuliyyət tədbirlərinin) təhlil edilməsi və nəticələri üzrə təkliflərin Komissiyaya təqdim edilməsi gözlənilir.
"Ötən il torpaqlarla bağlı 9 minə yaxın pozuntu aşkarlanıb - 67 %-i özbaşına zəbtdir"
Pararlel olaraq, tikinti fəaliyyətində iştirak edən mütəxəssislərin, habelə vətəndaşların və sahibkarların maarifləndirilməsi, onların məmnunluğunun təmin edilməsi məqsədilə Şəhərsalma və Tikinti Məcəlləsində istifadə olunan anlayışların, ifadələrin və müddəaların təhlili və zəruri hesab edildikdə, dəqiqləşdirilməsi və daha aydın şəkildə ifadə olunması üçün təkliflərin hazırlanaraq aidiyyəti üzrə təqdim edilməsi nəzərdə tutulur.
Qeyd edək ki, Dünya Bankı Qrupunun “Business Ready” hesabatının “Biznesin yerləşdiyi yer (tikintiyə icazələrin verilməsi)” indikatoru ilə bağlı müvafiq sahədə təkmilləşmələrin və kommunikasiyanın həyata keçirilməsinə dair 2025-ci il üzrə Yol Xəritəsi Biznes mühiti və beynəlxalq reytinqlər üzrə Komissiyası tərəfindən təsdiq edilib.
