Onlayn pərakəndə satış şirkəti olan Amazon-ın 2023-cü ilin birinci yarısında (yanvar-iyun) 9 milyard 922 milyon dollar xalis mənfəət əldə edib. Şirkət ötən ilin eyni dövründə 5 milyard 872 milyon dollar etmişdi.
Dövlət Neft Fondu “Apple", “Microsoft" və “Amazon”a yatırımları - 2 DƏFƏDƏN ÇOX ARTIRIB
FED.az xəbər verir ki, səhmbaşına mənfəət 2022-ci ilin ilk altı ayında 0,58 dollar zərərdən sonra, 0,95 dollar mənfəət olub.
Cari ilin ilk 6 ayında Şirkətin satışları 10,1% artaraq 261 milyard 741 milyon dollar təşkil edib.
Amazon 2023-cü ilin ikinci rübündə (aprel-iyun) ötən ilin eyni dövründəki 2 milyard 28 milyon dollar zərərdən sonra 6 milyard 750 milyon dollar xalis mənfəət əldə edib. Hesabat dövründə şirkətin satışları 10,8% artaraq 134 milyard 383 milyon dollar təşkil edib. Analitiklər 131 milyard 450 milyon dollar gəlir gözləyirdilər.
Şirkət 3-cü rübdə satışdan gəlirlərinin illik müqayisədə 9-13% artaraq 138-143 milyard dollar olacağını gözləyir. Əməliyyat mənfəəti 5,5-8,5 milyard dollar səviyyəsində gözlənilir (ötən ilin üçüncü rübündə bu rəqəm 2,5 milyard dollar idi).
Amazon dünyanın ən böyük onlayn pərakəndə satış şirkətlərindən biridir. ABŞ-dan başqa şirkət Kanada, Çin, Braziliya, Yaponiya və Avropada fəaliyyət göstərir. Amazon.com onlayn mağazası 1995-ci ilin iyulunda fəaliyyətə başlayıb.
Ticarət məlumatlarına əsasən, Amazon onlayn pərakəndə satış şirkətinin səhmlərinin qiyməti şirkətin maliyyə hesabatlarının dərcindən sonra təxminən 9% artıb. (Marja)
