2019-cu ildə 80 mindən çox bələdiyyə aktı üzrə inzibati nəzarət həyata keçirilib, 2 800-ə yaxın akt nazirliyin təklifləri əsasında ləğv edilib və ya dəyişdirilib, habelə qanunsuz verilmiş 7 000 hektardan çox torpaq sahəsi geri qaytarılıb.
Eləcə də bax: Prokurorluq 2 milyonluq korrupsiyanı - İFŞA ETDİ
FED.az"qafqazinfo"ya istinadən xəbər verir ki, bu barədə Bələdiyyələrlə iş mərkəzinin rəisi Rəhman Məmmədov Ədliyyə Nazirliyində regional ədliyyə idarələri rəislərinin və aidiyyəti məsul işçilərinin iştirakı ilə keçirilən videokonfrans formatında müşavirədə məlumat verib.
Bildirilib ki, pozuntulara yol verən 130-dan çox bələdiyyə sədri barəsində inzibati xəta haqqında protokollar məhkəmələrə, cinayət xarakterli 24 fakt üzrə materiallar isə prokurorluğa göndərilib.
İnzibati nəzarət zamanı müəyyən edilmiş hüquq pozuntuları və nöqsanların aradan qaldırılması və ya təkrar törədilməsinin qarşısının alınmasına önəm verilərək bələdiyyələrə müxtəlif məsələləri əhatə edən 9 200-dən artıq tövsiyə göndərilib.
