Hüquq

Bakıda 23 nəfəri aldatmış MTK rəhbərinin - MƏHKƏMƏSİ BAŞLAYIB

Bakıda 23 nəfəri aldatmış MTK rəhbərinin - MƏHKƏMƏSİ BAŞLAYIB | FED.az
09:24 24 Yan 2020

Bakı Apelyasiya Məhkəməsində dələduzluqda ittiham olunan "200" MTK-nın rəhbəri Etibar Fərziyev, onunla birlikdə ittiham olunan Elxan Əliyev, Ramil Şükürov və Arzu Ağalarovun barələrindəki hökmdən verdikləri şikayət üzrə məhkəmə prosesi başlayıb.

FED.az xəbər verir ki, hakim Elmar Rəhimovun sədrliyi ilə keçirilən prosesdə təqsirləndirilən şəxslərin anket məlumatları və apelyasiya şikayətinin dəlilləri araşdırılıb.  Məhkəmə baxışı fevralın 3-ə təyin edilib.

Eləcə də bax: Bakıda şirkətin yarım milyonunu mənimsəyənlərin - MƏHKƏMƏSİ BAŞLAYIR

Qeyd edək ki, təqsirləndirilən şəxslər vətəndaşların etibarından sui-istifadə edərək, bir mənzili bir neçə şəxsə satmaqla dələduzluqda təqsirli biliniblər. Onlar Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə ittiham olunublar. İş üzrə 23 nəfər zərərçəkmiş var.

Bakı Ağır Cinayətlər Məhkəməsinin hökmünə əsasən E. Fərziyev 10 il, E.Əliyev 3 il müddətinə azadlıqdan məhrum edilib. R.Şükürov və A.Ağalarov isə Cinayət Məcəlləsinin 70-ci (şərti məhkumetmə) maddəsi tədbiq edilməklə məhkəmə zalından azadlığa buraxılıb.

Təqsirləndirilən şəxslər məhkəmə hökmündən narazı qaldıqlarından apelyasiya şikayəti verib.

Apa

Digər xəbərlər

Banner