Aprelin 30-da “Caspian Energy Club” və “Caspian Energy Türkiye”nin birgə təşkilatçılığı ilə beynəlxalq "Caspian Energy Investment Forum Istanbul 2023" tədbiri keçiriləcək.
FED.az “Caspian Energy Club”un yaydığı məlumata istinadən xəbər verir ki, “Caspian Energy Türkiye”nin İdarə heyətinin sədri Süleyman Məcidlinin sözlərinə görə təşkil olunacaq beynəlxalq "Caspian Energy Investment Forum Istanbul 2023"ün əsas mövzuları qabaqcıl ölkələrin inkişaf modeli, Orta dəhlizin inkişafı, rəqəmsal iqtisadiyyat, yaşıl enerji və türkdilli ölkələrin iqtisadi birliyi ilə əməkdaşlıq olacaq.
"Məqsədimiz regionda olan davamlı inkişaf proseslərinin işıqlandırılması, Türkiyə iqtisadiyyatında keçirilən islahatların pozitiv nəticəsi, zəlzələdən zərərçəkmiş bölgələrə və digər regionlara investorların cəlb olunması, dövlət və özəl sektorda həyata keçirilən layihələri beynəlxalq arenada tanıtmaqdır. Hədəfimiz forum iştirakçıları üçün beynəlxalq səviyyədə şəbəkələşməyə şərait yaratmaqdır", - deyə S.Məcidli qeyd edib.
