Dünyanın nüfuzlu weather.com saytının mobil telefonlardakı əlavələri fevralın 19-da Bakıya qar yağacağını proqnozlaşdırır.
Son günlər bölgələrdə və paytaxt Bakıda da qeyri-sabit hava şəraitinin keçməsi bu ehtimalı artırır.
FED.az xəbər verir ki, məsələ ilə bağlı Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun rəhbəri Gülşad Məmmədova Qaynarinfo-ya açıqlama verib. Qurum rəsmisi bildirib ki, əvvəlcədən xəbər verildiyi kimi hazırda ölkə ərazisində hava şəraiti qeyri-sabitdir:
"Arabir yağış, dağlıq və dağətəyi rayonlarda qar müşahidə olunur. Yağıntılı hava şəraiti fevralın 17-si günorta saatlarına qədər davam edəcək. Əgər hər hansı dəyişiklik olarsa, qar gözlənilərsə, əlavə məlumat verəcəyik".
