Tramp yeni bir nüvə müqaviləsi üçün İranlı liderlərlə danışmağa açıq olduğunu bildirib. 

İranın son dövrdəki addımlarını "hədələyici" şəklində səciyyələndirən ABŞ Prezidenti Donald Tramp, bir tərəfdən üstüörtülü olaraq Tehranı təhdid edib, digər tərəfdən yeni bir nüvə müqaviləsi üçün İranlı liderlərlə danışmağa açıq olduğunu deyib.

Ağ Evdə keçirilən bir tədbirdə danışan ABŞ Prezidenti Donald Tramp, ABŞ-İran gərginliyinə dair sualları cavablandırıb.

İranın ABŞ üçün bir təhdid olduğunu qeyd edən Tramp, "İran çox hədələyici davranırdı. Bilmək istəməyəcəyiniz şeyləri bilirik. Buna görə ölkəmizi qoruyacaq tədbirləri görməyimiz lazımdır",- deyib.
 
Eləcə də bax: ABŞ-dan İrana yeni təklif - DANIŞIQLARA BAŞLAYAQ

HƏRBİ QARŞIDURMA EHTİMALI

ABŞ ilə İran arasında hərbi bir qarşıdurma ehtimalının olub-olmadığı barədə suala, "Bunu hər zaman deyə bilərsiniz. Buna "yox" demək istəmirəm, amma ümid edirəm ki, elə bir şey olmayacaq",- şəkilində cavab verən Tramp, İranlı liderlərin onu axtarmasını istədiyini, ancaq keçmiş xarici işlər naziri Con Kerrinin iranlılara "Tramp ilə danışmaması lazım olduğunu" söylədiyini bildirib.

Rəsmi bir vəzifədə olmadığı halda Kerrinin sözügedən cəhdinin qanunların pozulması mənasına gəldiyini qeyd edən Tramp, Kerrinin buna görə mühakimə olunması lazım olduğunu bildirib. 
 

"MƏNİ AXTARSINLAR"

ABŞ-ın İran ilə nüvə müqaviləsindən çıxdıqdan sonra İran iqtisadiyyatının olduqca pisləşdiyini qeyd edən Tramp, "Etmələri lazım olan şey budur: Məni axtarsınlar, oturub danışaq və ədalətli bir anlaşma edək. Nüvə silahına malik olmasını istəmirik; İstədiyimiz çox bir şey deyil. Bu, onları yenidən yaxşı bir mövqeyə gətirə bilər. İrana zərər vermək istəmirik",- ifadəsini istifadə edib.

İranın ABŞ-ın qəbul edəcəyi bir müqaviləyə imza atması halında bu ölkəyə iqtisadi olaraq kömək etməyə hazır olduqlarını dilə gətirən Tramp, bənzər vəziyyətdəki Şimali Koreya nümunə göstərib və iki ölkənin də böyük potensialının olduğunu söyləyib. 

©Marja