Azərbaycan Prezidenti İlham Əliyev Çin Xalq Respublikasının Sədri Si Cinpinin dəvəti ilə avqustun 30-da bu ölkəyə işgüzar səfərə gəlib.

FED.az xəbər verir ki, prezident Çinin Tiencin şəhərinə səfər edib. Burada Binxay Beynəlxalq Hava Limanında dövlətimizin başçısının şərəfinə fəxri qarovul dəstəsi düzülüb. 

İlham Əliyevi və xanımı Mehriban Əliyevanı Çin Xalq Respublikasının sənaye və informasiya texnologiyaları naziri Li Leçen və digər rəsmi şəxslər qarşılayıblar. 

Xatırladaq ki, İlham Əliyev Çində ikitərəfli görüşlərlə yanaşı, 2-ci Dünya Müharibəsinin bitməsi şərəfinə təşkil edilən hərbi paradda iştira edəcək. Eyni zamanda Çində təşkil olunacaq Şanxay Əməkdaşlıq Təşkilatının tədbirində iştirak edəcək.