Banner

Dövlət

Ərdoğan: “Azərbaycanın inkişafına fayda verməyə - DAVAM EDƏCƏYİK”

Ərdoğan: “Azərbaycanın inkişafına fayda verməyə - DAVAM EDƏCƏYİK” | FED.az
11:26 25 Fev 2020

Türkiyə Prezidenti Rəcəb Tayyib Ərdoğan Azərbaycana rəsmi səfərə yola düşməzdən əvvəl Ankaranın Esenboğa hava limanında mətbuat konfransı keçirib.

Eləcə də bax: Ərdoğanın Bakı səfərinin təfərrüatı - 9 MÜQAVİLƏ İMZALANACAQ

FED.az xəbər verir ki, o, jurnalistlərin səfərlə bağlı suallarını cavablandırıb.

“Ölkəmizin Azərbaycanda qoyduğu sərmayələr 11 milyard ABŞ dollarına çatır. Azərbaycanın ölkəmizdəki investisiyasının bu ilin sonunadək 20 milyard ABŞ dollarına çatacağını gözləyirik. Azərbaycanın inkişafına bundan sonra da fayda verməyə davam edəcəyik”, - R.T.Ərdoğan bildirib.

Qeyd edək ki, Türkiyə Prezidenti Rəcəb Tayyib Ərdoğan “Türkiyə-Azərbaycan Yüksək Səviyyəli Strateji Əməkdaşlıq Şurasının 8-ci Toplantısı” ilə əlaqədar bu gün Azərbaycana rəsmi səfər edəcək.

Şura toplantısında Azərbaycan-Türkiyə münasibətləri hərtərəfli nəzərdən keçiriləcək və iki ölkə arasında əməkdaşlığın daha da dərinləşdirilməsi imkanları müzakirə ediləcək. Görüşdə ikitərəfli münasibətlərlə yanaşı, regional və beynəlxalq məsələlər haqqında da fikir mübadiləsinin olacağı güman edilir. Bundan başqa, səfər çərçivəsində müxtəlif anlaşma və sazişlərin imzalanması gözlənilir. 

Report

Digər xəbərlər

Banner