İran Məclisində Büdcə və Planlaşdırma Komissiyasının üzvü Hüseyn Əli Hacı Deligani, İranın 16 il ərzində Total neft və qaz şirkətinə görə 80 milyard dollar "zərərə uğradığını" deyib.

FED.az xəbər verir ki, Deligani, Total-ın, 2012-ci ildə ABŞ-ın İran sanksiyaları səbəbilə ölkədən çıxmasını, 2015-ci ildə İran və P5+1 ölkələri ilə imzalanan nüvə müqavilənin ardından İran ilə yeni müqavilə bağlamasını tənqid edərək, "İran,16 il ərzində Total Şirkətinə görə 80 milyard dollar zərərə uğrayıb",- deyib.

Deligani, "Şirkət bir neçə dəfə İrana gəlib getməsinə baxmayaraq hər hansı bir ziyana düşəməyib. Neft nazirliyi yenidən bu şirkətlə müqavilə imzalayıb".- ifadələrini də istifadə edib.

İran rəhbərliyi ilə P5+1 ölkələri (ABŞ, Rusiya, Çin, İngiltərə, Fransa və  Almaniya)  2015-ci ilin İyul ayında nüvə proqramın məhdudlaşdırılması barədə razılığa gəlmişdilər.

ABŞ, may ayında nüvə müqaviləsindən birtərəfli olaraq çıxdığını açıqlayıb. ABŞ Xəzinə Nazirliyi də 2015-ci ildə dayandırılmış İran sanksiyalarının 6 Avqustdan etibarən yenidən qüvvəyə mindiyini bildirmişdi.

Fransanın neft və qaz şirkəti Total, ABŞ-ın yeni sanksiyalarını əsas göstərərək Fars Körfəzindəki Cənubi Pars Qaz Yatağı layihəsindən çıxdığını açıqlamışdı.