2022-ci ildə Türkiyənin «Trendyol» ticarət platformmasında ən çox sifariş verən ölkə Azərbaycan olub.
FED.az xəbər verir ki, bu barədə «Trendyol» Qrupunun prezidenti Çağlayan Çetin bildirib.
Azərbaycanda «Trendyol»a rəqib rəqib gəlir – «WILDBERRIES»İN RƏHBƏRİ AÇIQLADI
Onun sözlərinə görə, ötən il Azərbaycan “Trendyol”a daxil edilən beynəlxalq sifarişlərə görə birinci yerdə qərarlaşıb. Bundan əlavə, 2022-ci ildə Azərbaycanda ən çox yüklənən proqram da «Trendyol» tətbiqi olub.
Xatırladaq ki, 2010-cu ildə qurulan “Trendyol” Türkiyənin aparıcı e-ticarət platforması və Avropanın ən böyük texnologiya şirkətlərindən biridir. Şirkət Türkiyənin R&D mərkəzləri, “Trendyol Tech”, “Trendyol Express”, “Trendyol Go”, “Dolap”, eləcə də Türkiyənin ən sürətli logistika və çatdırılma şəbəkələri daxil olmaqla bir çox şirkətləri ehtiva edir.
Bundan əlavə, trendyol.com/de (Alman müştəriləri üçün) və trendyol.com/en vasitəsilə “Trendyol” türk istehsalçılarını 27 Avropa ölkəsi ilə bir araya gətirir. “Trendyol”, həmçinin B2B modeli ilə partnyor platformaları vasitəsilə 90-dan çox ölkədəki müştərilərə çıxış əldə edir və yerli istehsalçılar üçün ümumilikdə 100-dən çox ölkəyə elektron ixrac imkanı yaradır. “Trendyol” müştərilərə birbaşa Azərbaycanda öz platforması vasitəsilə xidmət göstərəcək.
