Caspian Energy Club-un 20 illik yubileyi çərçivəsində dünyanın 20 ölkəsində Caspian Energy Forum təşkil ediləcək.
"Caspian Energy Uzbekistan"a sədr - TƏYİN OLUNUB
FED.az xəbər verir ki, tədbirlərdə Xəzər-Qara dəniz və Baltikyanı ölkələrin dövlət qurumlarının, eləcə də dövlət və özəl şirkətlərinin rəhbərləri və nümayəndələri iştirak edəcəklər.
Caspian Energy Forum çərçivəsində post-sənaye iqtisadiyyatının müasir inkişafı modelləri, yaşıl enerji, rəqəmsal transformasiya və Orta Dəhlizin inkişaf perspektivləri müzakirə olunacaq. Caspian Energy Forum-da həmçinin Qarabağ və Şərqi Zəngəzurda həyata keçirilən layihələrin müzakirəsi və Forbes Caspian Energy jurnalının xüsusi buraxılışının təqdimatı keçiriləcək.
Caspian Energy Forum müxtəlif ölkələrin dövlət qurumları və özəl sektoru arasında beynəlxalq işgüzar əməkdaşlığın təşkili, biznes sektorunun qorunması və inkişafı üçün yerli təşəbbüslərin öyrənilməsi üçün yaradılmış unikal imkanlar təqdim edən networking platformasıdır. Caspian Energy Forum çərçivəsində neft-qaz və qeyri-neft sektorlarını təmsil edən iri, orta və kiçik şirkətlərin top menecerləri dialoq və sıx əməkdaşlıq qurmaq imkanına sahibdilər.
Caspian Energy Forumunda iştirak edən nüfuzlu spikerlər, region ölkələrinin dövlət strukturlarının rəhbərləri və regionda fəaliyyət göstərən və ya işləmək niyyətində olan şirkətlərin rəhbərləri ilə təmsil olunan Klub üzvləri forum çərçivəsində qarşıya qoyulan mühüm məqsədləri tam şəkildə həyata keçirməyə qadirdilər.
Caspian Energy Forum-un rəsmi hissəsinin sonunda ikitərəfli münasibətlərdə fəal rol oynamış şirkətlər, eləcə də bazar liderləri beynəlxalq Caspian Energy Award və Caspian Business Award mükafatlarına layiq görüləcəklər.
Caspian Energy Forum daha öncə Azərbaycan, Gürcüstan, Türkiyə, Qazaxıstan, Çexiya və s. ölkələrdə keçirilmişdir. Dünyanın 50 ölkəsindəki Caspian Energy Forum ticarət nişanı Caspian Energy Club-a məxsusdur və 15 milyon ABŞ dolları dəyərində qiymətləndirilir.
Caspian Energy Club dünyanın 50 ölkəsindən 5000 çox şirkəti birləşdirən dinamik və inkişaf edən regional təşkilatdır. Biznes - hökumət” dialoqunun fəal iştirakçısı olan “Caspian Energy Club”un əsas məqsədi Azərbaycanda və “Caspian Energy Club”un fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin “B2G”, “B2B” və “B2C” formatlarında dialoqların stimullaşdırılmasından və onlarda fəal iştirak etməkdən ibarətdir.
“Biznes-networking” üçün beynəlxalq platforma olan “Caspian Energy Club” mütəmadi olaraq müxtəlif tədbirlər təşkil edir. Mənzil-qərargahı Bakıda yerləşən “Caspian Energy Club”un Türkiyə, BƏƏ, İsrail, Özbəkistan, Gürcüstan və Qazaxıstanda rəsmi nümayəndəlikləri, həmçinin dünyanın müxtəlif ölkələrində səlahiyyətli nümayəndələri var.
