Dünyanın aparıcı kriptovalyutası olan bitkoinin qiymətində yeni rekord qeydə alınıb.
Eləcə də bax: “JPMorgan”: "Bitkoin"in ədalətli qiyməti - 35 MİN DOLLARDIR
FED.az xəbər verir ki, ötən gün bitkoin daha 3,1% bahalaşaraq 68 min dolları keçib. Hazırda (09.11.2021 – saat 11.05) qiymət 68 min 56 dollar təşkil edir.
Son bir həftədə bitkoinin qiyməti 6200 dollar və ya 10%-dən çox bahalaşıb. Bir həftə əvvəl qiymət 61,6 min dollar, cəmi 8 gün əvvəl isə 60 min dollar idi.
Bitkoinlə birlikdə digər əsas kriptovalyutalar – Ethereum (son 1 həftədə 10,2% bahalaşaraq 4800 doları keçib) və Binance coin (son həftədə 20%-ə yaxın bahalaşaraq 647 dollar olub) da bahalaşıb.
Son həftələr ərzində sürətlə bahalaşaraq sahiblərinə böyük gəlir gətirən Shiba inu isə son bir hfətədə 20%-ə dək ucuzlaşaraq 0,000057 dollar olub. Hərçənd, son sutkada bahalaşma yenidən başlayıb və qiymət 6%-dən çox artıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
