ABŞ-da əmək bazarı ilə bağlı məlumatların ABŞ Federal Ehtiyatlar Sisteminin (FED) sərt pul-kredit siyasətinin sona çatacağına dair ehtimalları gücləndirməsi invetorların dollar alışlarında ehtiyyatlı davranmalarına səbəb olur.
ABŞ-da zəif açıqlanan "JOLTS" Boş İş Yerləri və Vakansiyalar üzrə göstəricilərindən sonra, dünən proqnozların altında dərc olunan özəl sektorda məşğulluqla bağlı məlumatlar (ADP) da əmək bazarındakı soyumağa işarə etdi.
Hesabata görə ABŞ-da özəl sektorta məşğulluq noyabr ayında bazar proqnozlarının altında - 103 min nəfər - artdı. Eyni dövrdə əmək haqqı artımındakı ləngimə davam edərkən, noyabr ayında illik maaşlarda 5.6% artım qeydə alınıb.
Əmək bazarında soyumağa işarə edən məlumatların ardından ABŞ-ın 10 illik dövət istiqrazlarının gəlirlilik faizi 4.106% ilə 3 ayın ən aşağı səviyyəsini test etdikdən sonra 4.114% səviyyəsində qərarlaşıb.
Bundan əlavə, ABŞ-da bu ilin üçüncü rübündə qeyri-kənd təsərrüfatı sektorunun məhsuldarlığı 5.2% ilə proqnozların üzərində artarkən, vahid əmək xərcləri 1.2% ilə ehtimal olunandan çox azalıb. Analitiklər üçüncü rübdə vahid əmək xərclərinin azalmasının da inflyasiyanın yavaşlamasına işarə etdiyini bildiriblər.
Digər tərəfdən, neft qiymətlərinin təxminən 4% azalması enerji ehtiyatlarına təzyiq göstərdiyi üçün, “Exxon Mobil”-in səhmləri 1%-dən, “Marathon Petroleum”-un səhmləri isə 3%-dən çox dəyər itirib.
Çip istehsalçısı “Nvidia”-nın səhmləri şirkətin Baş İcraçı Direktoru (CEO) Yensen Huanq Çin bazarı üçün yeni çiplərin ixrac məhdudiyyətlərinə uyğunlaşmanı təmin etmək üçün ABŞ hökuməti ilə sıx əməkdaşlıq etdiyini elan etdikdən sonra 2%-dən çox ucuzlaşıb.
Analitiklər, əmək bazarı məlumatlarının monetar siyasətin gedişatı ilə bağlı daha çox ipucu əldə etmək üçün investorların diqqət mərkəzində olduğunu və bugün ABŞ-da İşsizlik Müavinatı üçün Müraciətlərin Sayıa dair məlumatların, sabah isə Qeyri-kənd Təsərrüfatı Sektorunda Yeni Yaranan İş Yerlərinin sayına (NFP) dair statistik rəqəmlərin izləniləcəyini qeyd edirlər.
Məlumat InvestAZ İnvestisiya Şirkətinin analitikləri tərəfindən hazırlanıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
