Avrozonadan inflyasiya, ABŞ-dan faiz qərarı və əmək bazarı göstəriciləri, İngiltərədən faiz qərarı fonunda birjalar.
FED.az xəbər verir ki, “InvestAZ İnvestisiya Şirkəti”nin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
3-cü rüb üzrə ABŞ-da ÜDM göstəricisinin proqnozun (4,3%) üzərində 4,9% kimi açıqlanması ölkə iqtisadiyyatının hələ də güclü olmasından xəbər verir. Xatırlatmaq lazımdır ki, əvvəlki 2-ci rübdə müvafiq göstərici 2,1% kimi açıqlanmışdır. Eyni zamanda inflyasiya göstəricilərinin proqnozların üzərində möhkəmlənm əsi FED-i daha sərt mövqelənməyə sövq edir.
Bazar iştirakçıları bu həftə Avrozonadan inflyasiya göstəriciləri, FED-in faiz qərar açıqlaması və ABŞ-dan NFP göstəricilərinin açıqlanmasını, İngiltərə Mərkəzi bankının faiz qərarını diqqət mərkəzində saxlayacaqlar.
NEFT
Cümə günü İsrailin Qəzzada yerüstü əməliyyatlara başlaması və qısa müddətə dayandırması fonunda neft qiymətləri 90$ ətfafında dalğalanmaqdadır. Tələbin azalması ilə bəzi neft hasil edən dövlətlərin açıq bazarlara çıxışına məhdudiyyətlərin aradan qaldırılması hal-hazırda neft qiymətlərinin kütləvi alış zonasında olduğunu nümayiş etdirir. Əməliyyatların davam etdirilməsinin bərpası ilə neft qiymətlərində kəskin volatillik müşahidə oluna bilər. Nəzərə almaq lazımdır ki, dünya neft tədarükünün təqribən 3/1 bu regionda hasil olunur.
“Brent” markalı neft 1% ucuzlaşaraq 89.16$ səviyyəsində ticarət olunur.
“WTI” markalı neftin noyabr fyuçerslərinin qiymətləri eynilə 1% azalaraq 84.97 dollar təşkil edib.
XAUUSD
Yaxın Şərq böhranının dərinləşməsi ilə qiymətli metal 1980$-dan 1% bahalaşaraq 2009$-a kimi kəskin hərəkət etdi. 2000$ üzərində qaldıqca qiymət tarixi maksimum həddi olan 2075$-ı test edə bilər.
EUR
Bazar ertəsi Almaniyadan, çərşənbə axşamı Avrozonadan açıqlanacaq inflyasiya göstəriciləri investorların diqqət mərkəzindədir. Cərşənbə günü ABŞ-dan FED-in faiz qərarı və sədr Pavelin monetar siyasətlə bağlı açıqlamaları, cümə axşamı ABŞ-dan işsizlik müavinəti alanların statistikası və cümə günü ABŞ-dan qeyri-kənd təsərrüfatında yeni açılan iş yerləri (NFP) rəqəmlərinin acıqlanması həftə ərzində güclü volatilliyə səbəb ola biləcək amillərdir.
GBP
Bu həftə cümə axşamı günü açıqlanacaq Böyük Britaniya Mərkəzi Bankının faiz qərarı funtun avro və dollar qarşısında sürətli dalğalanmasına səbəb ola bilər.
İnvestisiya ilə bağlı suallarınızı: *1234 telefon nömrəsi və ya www.investaz.az veb saytı vasitəsilə bizə ünvanlaya bilərsiniz.
“İNVEST-AZ İnvestisiya Şirkəti” QSC-nin Tədris və Analiz Departamenti
“İNVEST-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
___________________________________________________________________
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İNVEST-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
