Birja

“Holcim (Azərbaycan)”ın - SƏHMİ BAHALAŞIB

“Holcim (Azərbaycan)”ın - SƏHMİ BAHALAŞIB | FED.az
11:04 24 İyul 2019

2019-cu ildə Bakı Fond Birjasında “Holcim (Azərbaycan)” ASC-nin səhmlərinin təkrar bazarda satışı üzrə 3-cü dəfə əqd bağlanıb.  

FED.az xəbər verir ki, nominal dəyəri 20 manat olan 850 “Holcim (Azərbaycan)” səhmi 23,50 manatdan satılıb. Əqdin ümumi məbləği 19 min 975 manat təşkil edib.

2019-cu ilin Fevral ayının 4-də 186 “Holcim (Azərbaycan)” səhmi 20,50 manatdan, Fevralın 5-də isə 4 səhm 21 manatdan satılmışdı. Əqdlərin ümumi məbləği müvafiq olaraq 3813 manat və 84 manat təşkil etmişdi.

Qeyd edək ki, Qaradağ Sement Zavodunun bazasında yaradılmış “Holcim (Azərbaycan)” sement istehsalçısıdır.

Bu il “Holcim (Azərbaycan)” səhmi 14,6% və ya 3 manat bahalaşıb. Səbəblərdən biri şirkətin gəlirlərinin və xalis mənfəətinin artması ola bilər.

Xəbər verdiyimiz kimi, 2017-ci illə müqayisədə 2018-ci ildə “Holcim Azərbaycan”ın satışdan gəlirlər 9 milyon 334 min manat və ya 8,7% artaraq 116 milyon 332 min manat təşkil edib. “Holcim Azərbaycan” 2018-ci ili 7 milyon 67 min manat xalis mənfəət ilə başa vurub. ASC 2017-ci ili 1 milyon 759 min manat xalis mənfəət ilə bağlamışdı.

Digər xəbərlər