ABŞ Federal Ehtiyyatlar Sisteminin Federal Açıq Bazar Komitəsinin (FOMC) 13-14 iyun tarixlərində keçirilən toplantısının dərc edilən protokolları fonunda dollar indeksi (DXY) yenidən yüksəlib.
İnvestisiya şirkətlərinin dövriyyələri açıqlandı - SİYAHI
Sözügedən protokollar bəzi FED rəsmilərinin iyun toplantısında faiz dərəcəsinin 25 bənd artırılmasının tərəfdarı olduqlarını və ya belə bir təklifi dəstəkləyəcəklərini ifadə etdiklərini ortaya qoydu.
Protokollarda bütün FED rəsmilərinin pul-kredit siyasətində sərt duruşun davam etdirilməsinin məqsədəuyğun olacağı fikrində olduqları bildirilib.
Nyu-York FED sədri Con Uilyams FOMC-nin iyun ayında faiz dərəcəsini sabit saxlamaq qərarını dəstəklədiyini bildirib.
FED-in tələb və təklifin tarazlaşdırılmasında hələ də görəcəyi işlər olduğunu deyən Uilyams, faiz dərəcəsi ilə bağlı görüləcək daha çox iş olduğunu düşündüyünü qeyd edib.
Digər tərəfdən, dünən ABŞ-da sənaye sektorunun yaxın gələcəkdəki performansına işıq tutan fabrik sifarişlərinin həcmi may ayında 0.3% artaraq proqnozların altında qaldı.
Protokolların dərcindən sonra FED-in iyul toplantısında növbəti faiz artımına dair ehtimalların artması fonunda DXY 103.40 bənd hədlərinə kimi yüksəlib. Qiymət 103.50 bənd həddindəki psixoloji bariyeri qırıb üzərində möhkəmlənə bilsə, dolların bahalaşması davam edə bilər.
Bu gün isə Amerikada açıqlanacaq Özəl sektorda yeni yaranan iş yerləri və işsizlik müavinatı üçün ilk dəfə müraciət edənlərin sayı, həmçinin “İş imkanları və boş işyerləri” (JOLTS) hesabatı DXY-da tendensiyanın gedişinə ciddi təsi edə bilər.
Dünən 1935$-a kimi bahalaşan qızıl bu müqavimət həddini qıra bilməyərək yenidən ucuzlaşıb. Hazırda 1918$ civarında dalğalana qiymətli metalın 1 unisya üzrə dəyəri 1920$-ın altında qaldığı müddətcə eniş tendensiyası davam edə bilər.
Məlumat İnvest-AZ İnvestisiya Şirkətinin analitikləri tərəfindən hazırlanıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
