Aprelin 25-də Bakı Fond Birjasının (BFB) Listinq Komitəsinin qərarı ilə «BOKT Embafinans»ın 3-cü istiqraz buraxılışı standart bazar seqmentində listinqə daxil edilib.
«BOKT Embafinans» bu dəfə 1 milyon manatlı istiqraz buraxacaq, istiqrazların satışı aprelin 29-da Bakı Fond Birjasında bir qiymətli hərrac üsulu ilə həyata keçiriləcək.
İstiqrazların hər birinin qiyməti 1000 manatdır, tədavül müddəti 1 ildir və illik faiz dərəcəsi 10,5%-dir, faizlər hər ay ödəniləcək.
Qeyd etmək istərdik ki, «BOKT Embafinans» bundan əvvəl iki dəfə istiqraz buraxıb, bunlardan biri 8 oktyabr 2018-ci il tarixində, ikinci isə 3 dekabr 2018-ci ildə BFB-də baş tutub.
İstiqrazların baza emissiya prospektini Bakı Fond Birjasının internet səhifəsində “Listinqdə olan şirkətlər” bölməsindən əldə etmək olar.
|
№ |
Döv. Qeyd. nömrəsi |
Q/k növü və forması |
Ticarətə buraxılan qiymətli kağızların sayı |
Q/k-ın yerləşdirməyə başlanması və bitməsi tarixləri |
Q/k-ın hərrac qiyməti |
|
1 |
AZ2004020601 |
Faizli təmin edilməmiş |
|
|
1000 AZN |
İstiqrazların yerləşdirməsi üzrə anderrayter “AzFinance İŞ” QSC-dir.
BFB-də ticarətdə iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.
