Cümə axşamı günü ABŞ-da iyunun 8-də bitən həftə üzrə İşsizlik Müavinəti üçün Müraciətlərin Sayına dair məlumatların və İshehsal Qiymətləri İndeksinin proqnozların altında dərc olunmasına baxmayaraq, dollar major valyutalar qarşısında bahalaşmağa davam edib. Belə ki, müavinət üçün müraciət edənlərin sayı 242 min nəfər, aylıq ifadədə İstehsal Qiymətləri İndeksi isə -0.2% təşkil edib.
EUR/USD və GBP/USD valyuta cütlükləri müvafiq olaraq 1.0737 və 1.2750 səviyyələrində ticarət olunurlar. Bugün Yaponiya Mərkəzi Bankının faiz dərəcəsini 0.10% səviyyəsində saxlaması fonunda USDJPY cütlüyü isə 1 may tarixindən ilk dəfə olaraq 157.970 səviyyəsinə qədər bahalaşıb. Həmçinin Japoniyada mart ayında 4.4% artan sənaye sektorunda istehsal həcmi, aprel ayında 0.9% azalıb.
Beynəlxalq birjalarda neft qiymətləri bahalaşmağa davam edirlər. “Brent” markalı neft bir barrel üçün 82.50$ səviyyəsində, “WTI” markalı neft isə bir barrel üçün 78.30$ səviyyəsində ticarət olunur. Qızıla tələb azalır və bunun fonunda dəyərli metal 2295$ səviyyəsinə qədər ucuzlaşıb. Lakin, bugün səhər saatlarında qızılın qiyməti 2308$ səviyyəsinə qədər artım göstərib.
Bugün Bakı vaxtı ilə saat 13:00-da “Eurostat” tərəfindən dərc olunacaq Avrozonanın Ticarət Balansına dair məlumatlar investorların diqqət mərkəzində olacaq əsas hadisələrdən biridir. Analitiklər hesab edirlər ki, aprel ayında Ticarət Saldosunun profisiti 17 milyard avro təşkil edib. Həmçinin bugün FED pul-kredit siyasətinə dair hesabatını dərc edəcək.
Məlumat İnvest-AZ İnvestisiya Şirkətinin analitikləri tərəfindən hazırlanıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
