EUR
Avropa Mərkəzi Bankın cümə axşamı Bakı vaxtı ilə saat 17:30-da gələcəyə dair verəcəyi açıqlamalara günlər qalmış, EURUSD 1.13$ ətrafında korreksiya etməkdədir. Beləliklə, mətbuat konfransında nikbinliyin artmasına səbəb olacaq ifadələr, avronun 1.15$-a kimi bahalaşmasına səbəb ola bilər.
GBP
Bu həftə foreks bazarları fundamental göstəricilərlə zəngin olmaqla bərabər, investorların əsas diqqət mərkəzində olan hadisə mərkəzi bankların açıqlamalarıdır. Bura İngiltərə Bankı da daxildir.
Keçən həftə ərzində 1.32$-da dəstək görməyə başlayan GBPUSD məzənnəsində isə 1.33$ müqavimətinin qırılması üçün əsas lazımdır. Bu baş verərsə, bahalaşma 1.3442-a kimi sürətlənə bilər.
TRY
Hökümətin ciddi tədbirləri ilə USDTRY məzənnəsi 13.94TL-də müqavimətlə rastlaşıb. 13.56TL-nin qırılması ilə ucuzlaşma başlaya bilər.
TCMB tərəfindən cümə axşamı saat 15:00-da yayımlanacaq yeni faiz qərarı üzrə 14%-ə kimi azaldılma proqnozları da nəzərə alınmalıdır.
OIL
Enerji birjalarında Brent neftinin bir barel qiyməti növbəti dəfə 74$-da dəstək görərək dəyər qazanmağa başlayıb. Trend 82$-a kimi davam edə bilər.
Çərşənbə günü saat 19:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD
Qızılın qiyməti son günlər dollar indeksinə əsasən istiqamət alır. Dollara qarşı təzyiqlərin arta biləcəyi ehtimalları isə üstünlük təşkil edir. Bu, bir unsiya qiymətin 1839$-a (59.2$/qram) kimi dəyər qazana biləcəyinə də əsaslar yaradır.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.
