Cari ilin ilk 4 ayında Bakı Fond Birjasının korporativ istiqraz bazarında bağlanan əqdlərin 81%-i “PSG Kapital İŞ” QSC-nin  payına düşür.  FED.az xəbər verir ki, cari il mayın 1-nə olan göstəricilərə əsasən şirkət korporativ istiqraz bazarında 559 ədəd əqdin bağlanmasına vasitəçilik edib.
 
Qeyd edək ki, ümumilikdə borc alətləri bazarında 691 əqd bağlanıb.  Əqdlərin həcmi isə 354 milyon  222 min 43 AZN təşkil edib. Həcminə görə  112 milyon 251 min 960 manatlıq əqdlər “PSG Kapital İŞ” tərəfindən reallaşdırılıb.  Təbii ki, bu göstəricidə SOCAR istiqrazları üzrə əməliyyatların  böyük rolu var.
Həmçinin  hazırda İpoteka və Kredit Zəmanət Fondunun istiqrazlarının anderrayteri də “PSG Kapital İŞ” şirkətidir.