ABŞ Federal Ehtiyatlar Sisteminin sədri Jerome Pavein sərt monetar siyasətin sürətinin dekabr ayından etibarən yumşaldacaqlarını bildirməsindən sonra FED-in dekabr toplantısında uçot dərəcələrinin 0.5% artırılacağı ehtimallarının artması ilə yanaşı, dünən ABŞ-da Tədarükün İdarə Edilməsi İnstitutu (ISM) İstehsal indeksi 2020-ci ilin may ayından bəri ilk dəfə 50 bəndin altına düşüb. Çünki yüksək borclanma xərcləri və artan borclanma səviyyələri mallara olan tələbi sıxır. Nəticədə dollar indeksi 104 bənd hədlərinə qədər geriləyib.
Təhlillərə əsasən DXY 105 bənd həddinin aıtlında qaldıqca EUR/USD və GBP/USD məzənnələri müvafiq olaraq 1.07$ və 1.23$-a kimi bahalaşa bilər.
Dolların dünya birjalarında kəskin ucuzlaşması fonunda qızıl 4 aydan sonra yenidən 1800$-a kimi bahalaşıb. Təhlillərə əsasən hazırda 1796$-dan təklif olunan qiymətli metalın bir unsiya üzrə dəyəri 1800$ həddinin üzərində möhkəmlənə bilsə, artım tendensiyası 1829$-a kimi davam edə bilər.
Məlumat İnvestAZ şirkətinin analitikləri tərəfindən hazırlanıb.
