ABŞ prezidenti Donald Trampın mis idxalına 50%-lik tarif tətbiq etməyi planlaşdırması Nyu-Yorkda mis fyuçerslərinin qiymətinin rekord səviyyədə artmasına səbəb olub.
Bitcoin 108 minlə yenidən səhnədə
FED.az xəbər verir ki, Comex birjasında qiymətlər bir gün ərzində 17% yüksəlib, sonradan isə 4%-dən çox enib. Bu hadisə Nyu-York və London fyuçersləri arasında 24%-lik fərq yaradıb ki, bu da bazarda ciddi qeyri-sabitlik siqnalıdır.
Çərşənbə günü səhər Şanxay vaxtı ilə saat 08:23-də Nyu-Yorkda misin qiyməti hər funt üçün 5,5085 ABŞ dolları olub. Eyni anda London Metal Birjasında isə qiymətlər 1,7% azalaraq ton üçün 9 627 dollar səviyyəsinə düşüb.
Ekspertlər bildirir ki, tariflərin tətbiqi ABŞ iqtisadiyyatında geniş təsir doğura bilər, çünki mis avtomobil, elektronika, tikinti və məlumat mərkəzləri kimi bir çox sahədə əsas xammaldır. Trampın qərarı bazar gözləntilərindən daha sərt olub, bu səbəbdən treyderlər tarif qüvvəyə minməmişdən əvvəl böyük həcmdə mis alışı həyata keçirməyə başlayıblar.
Digər tərəfdən, dünyada misə tələbat sürətlə artır, çünki elektrikli avtomobillər, alternativ enerji layihələri və məlumat texnologiyalarının inkişafı bu metala olan ehtiyacı daha da gücləndirib. Hazırda mis hasilatı bu tələbi qarşılamaq gücündə deyil, buna görə də tariflər qiymətləri daha da yuxarı çəkə bilər. İdxaldan asılı olan ABŞ istehsalçıları bu qərara qarşı çıxsa da, Tramp fevraldan bəri bu tariflərə hazırlıq gördüyünü açıqlayıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
