EUR.
Ötən həftənin cümə günü ABŞ-da əmək bazarına dair statistik məlumatlar, xüsusilə də NFP göstəricisi proqnozların üzərində açıqlandıqdan sonra dünya birjalarında dollara olan tələb yenidən artıb. FED-in sərt monetar siyasətini davam etdirmək üçün dəstək aldığı ən önəmli göstəricilərdən biri olması səbəbilə, əmək bazarındakı artım növbəti faiz artımı ehtimallarını da gücləndirdiyi üçün dollar indeksi dəstək görür. Təhlillərə əsasən, dollar indeksindəki yüksəliş davam edərsə, 1 EUR yenidən 1 USD həddinə qədər ucuzlaşa bilər.
GBPUSD məzənnəsi də ötən həftəni enişlə başa vurdu. Dollara artan tələb fonunda funt sterlinq dollar qarşısında 1.19$ hədlərinə qədər ucuzlaşa bilər.
Bu həftə İngiltərədə açıqlanacaq iqtisadi inkişaf səviyyəsiyinə dair məlumatlar, həmçinin Amerikada dərc olunacaq istehlak və istehsal qiymətləri indeksləri investorların diqqət mərkəzində olacaqdır.
OIL.
Ötən həftə “OPEC” ölkələrinin gündəlik neft hasilatının 100 min barel artırılması yönündə açıqladıqları qərar sonrası “Brent” nefti kəskin ucuzlaşdı. Hazırda 98$ hədlərində təklif olunan OİLUK-in bir barel üzrə qiyməti 96$-ın altına düşərsə, 93$-a kimi ucuzlaşa bilər.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD.
Artan geosiyasi risklər fonunda 1794$-a kimi bahalaşan qızıl dollara artan tələb fonundan yenindən bir qədər geriləyib. Hazırda 1772$ hədlərində ticarət olunan qiymətli metalın bir unsiya üzrə qiymətinin 1779$-ın üzərində möhkəmlənə bilsə, 1800$-a (57.87$/qram) kimi bahalaşa biləcəyi proqnozlaşdırılır.
Məlumat Azərbaycanın InvestAZ İnvestisiya şirkətinin analitikləri tərəfindən hazırlanıb.
