2025-ci ilin yekunlarına görə "Rabitəbank"ın cəmi faiz gəlirləri 137 milyon 586 min manat təşkil edib.
FED.az bu barədə bankın maliyyə hesabatına istinadən xəbər verir.
Bu, ötən ilin eyni dövrü ilə müqayisədə 23 milyon 300 min manat, yəni 20,4% artım deməkdir. Bankın faiz gəlirlərinin artmasında əsas rolu müştərilərə verilən kreditlər üzrə gəlirlərin yüksəlməsi oynayıb.
Bankın müştərilərə verdiyi kreditlərdən əldə etdiyi faiz gəliri ötən ilə nəzərən 25 milyon 412 min manat (25,3%) artaraq 126 milyon manata yaxınlaşıb. Eyni zamanda, digər maliyyə institutlarındakı depozitlərdən əldə edilən faiz gəliri də 1,6 milyon manata yaxın (44,5%) artaraq 5,1 milyon manatı ötüb.
Bankın ticarət və investisiya qiymətli kağızlarından əldə etdiyi faiz gəliri 5,5 milyon manata, digər maliyyə institutlarına verilən kreditlər üzrə faiz gəlirləri də 774 min manata bərabər olub.
Hesabat dövründə bankın cəmi faiz xərcləri 57 milyon 905 min manat təşkil edib.
Bu, ötən ilin eyni dövrü ilə müqayisədə 13 milyon 916 min manat, yəni 31,6% artım deməkdir. Faiz xərclərinin artmasında əsas rolu depozitlərə və cəlb edilmiş kreditlərə ödənilən faizlərin yüksəlməsi oynayıb.
Bankın depozitlər üzrə ödədiyi faiz xərci ötən ilə nəzərən 10 milyon 213 min manat (33,2%) artaraq təxminən 41 milyon manata çatıb. Eyni zamanda, cəlb edilmiş kreditlərə görə ödənilən faizlər də iki dəfədən çox (2,1 dəfə) artaraq 2,6 milyon manatdan 5,6 milyon manata yüksəlib.
Bankın ümumi gəlirlilik göstəricisi olan xalis faiz gəliri isə 79 milyon 680 min manat təşkil edib.
Bu illik müqayisədə 9,4 milyon manata yaxın (13,3%) artıma bərabərdir.
Qeyri-faiz gəlirləri 48 milyon 561 min manat təşkil edib.
Xarici valyuta əməliyyatlarından əldə edilən gəlir 1,6 milyon manata bərabər olub. Alınan haqq və komissiya gəlirləri 34,9 milyon manat təşkil edib..
Qiymətli kağızların satışından və yenidən qiymətləndirilməsindən əldə etdiyi gəlir 811 min manat (81,5%) artaraq 1,8 milyon manatı ötüb. Digər gəlirləri də 10,2 milyon manat olub, bu da illik 208 min manat (2,1%) çoxdur.
"Rabitəbank"ın cəmi qeyri-faiz xərcləri 100 milyon 558 min manat təşkil edib.
Bu, ötən ilin eyni dövrü ilə müqayisədə 2 milyon 423 min manat, yəni 2,5% artım deməkdir. Bankın qeyri-faiz xərclərinin artmasında əsas rolu əmək haqqı xərclərinin yüksəlməsi oynayıb.
Bankın əmək haqqı və digər kompensasiya xərcləri ötən ilə nəzərən 4 milyon 788 min manat (13,8%) artaraq 39,4 milyon manata çatıb. Eyni zamanda, amortizasiya xərcləri də cüzi (3,4%) artaraq 2,8 milyon manata yaxınlaşıb.
Ümumi və inzibati xərcləri 48 milyon manata, digər xərcləri isə 10,4 milyon manata bərabər olub.
Beləliklə "Rabitəbank" 2025-ci ili 11 milyon 331 min manat xalis mənfəətlə başa vurub.
Bank bu mənfəətdən dövlət büdcəsinə 4 milyon 555 min manat mənfəət vergisi ödəyib.
2025-ci ildə "Rabitəbank"ın cəmi aktivləri 1 milyard 402,3 milyon manat təşkil edib.
Bu, ötən ilin eyni dövrü ilə müqayisədə 247,8 milyon manat, yəni 21,5% artım deməkdir. Bankın aktivlərinin artmasında əsas rolu depozitlərin və kredit portfelinin böyüməsi oynayıb.
Bankın digər maliyyə institutlarındakı depozitlərində kəskin artım müşahidə olunub. Bu göstərici ötən ilə nəzərən 14 dəfədən çox artaraq 9,4 milyon manatdan 132 milyon manata yaxınlaşıb.
Bankın müştərilərə verilmiş xalis kreditlərinin həcmi də ötən ilə nəzərən 93,2 milyon manat (11%) artaraq 941,3 milyon manata çatıb. Portfelin tərkibində istehlak kreditləri 337,9 milyon manata bərabər olub. İl ərzində bu kreditlər 44,5 milyon manat (15,2%) böyüyüb. Biznes kreditləri 19,2 milyon manat (4,8%) böyüyərək 418,3 milyon manata yüksəlib. Daşınmaz əmlak kreditləri 185,1 milyon manata bərabər olub ki, bu da 2024-cü illə müqayisədə 29,5 milyon manat və ya 19% artım deməkdir.
Bankın nağd pul vəsaitləri və ekvivalentləri də il ərzində 44,5 milyon manat (44,5%) artaraq 144,3 milyon manat təşkil edib.
Digər maliyyə institutlarına verdiyi kreditlərin həcmi 14,3 milyon manata bərabər olub.
"Rabitəbank"ın cəmi öhdəlikləri 2024-cü ildə 1 milyard 270,8 milyon manat təşkil edib.
Bu, ötən ilin eyni dövrü ilə müqayisədə 239,3 milyon manat, yəni 23,2% artım deməkdir. Öhdəliklərin artımında əsas rolu depozit portfelinin və digər maliyyə institutlarından cəlb edilmiş vəsaitlərin artması oynayıb.
Bankın depozit portfeli ötən ilə nəzərən 201,1 milyon manat (29,7%) artaraq 878,3 milyon manata çatıb. Bu artım həm fiziki şəxslərin depozitlərinin (169,6 milyon manat və ya 36,7% artım), həm də hüquqi şəxslərin depozitlərinin (31,5 milyon manat və ya 14,6% artım) hesabına baş verib.
Kredit təşkilatları və digər maliyyə institutları qarşısındakı öhdəlikləri 323,3 milyon manata bərabər olub ki, bu da əvvəlki ilə nəzərən 41,6 milyon manat (14,8%) artımdır.
Bununla yanaşı, bankın subordinasiya borc öhdəlikləri 6 milyon manata yaxın (41,2%) azalaraq 8,5 milyon manata enib. Borc qiymətli kağızları isə dəyişməyərək 8,6 milyon manat səviyyəsində qalıb.
Hesabat ilində "Rabitəbank"ın cəmi kapitalı 131 milyon 529 min manat təşkil edib.
Bu, ötən ilin eyni dövrü ilə müqayisədə 8 milyon 564 min manat, yəni 7,0% artım deməkdir. Kapitalın artmasında əsas rolu bankın il ərzində əldə etdiyi mənfəət və ehtiyatlarının artması oynayıb.
Bankın bölüşdürülməmiş mənfəəti ötən ilə nəzərən 6 milyon 831 min manat (75,3%) artaraq 15,9 milyon manatı ötüb. Eyni zamanda, bankın ümumi ehtiyatları da 1,7 milyon manatdan çox (13,8%) artaraq 14,3 milyon manata çatıb. Ehtiyatların artımında həm kreditlər üzrə adi ehtiyatların (970 min manat və ya 10,8% artım), həm də digər ümumi ehtiyatların (762 min manat və ya 5,5 dəfə artım) payı olub.
Bankın səhmdar kapitalı isə il ərzində dəyişməyərək 101,3 milyon manat səviyyəsində qalıb.
