«Yapı Kredi Bank Azərbaycan» 2017-ci ilin yanvar-sentyabr üzrə əsas maliyyə göstəricilərini açıqlayıb.
FED.az bankın rəsmi hesabatına əsasən məlumat verir ki, bu ilin 9 ayı ərzində “Yapı KrediBank Azərbaycan” faiz gəlirləri ötən ilin sonuna olan göstəriciləri ilə müqayisədə 23,1% azalaraq 25,5 mln. manat, faiz xərcləri 48,6% azalaraq 6,4 mln. manat, qeyri-faiz gəliri 40% azalaraq 17,8 mln. manat, qeyri-faiz xərcləri 21,3% azalaraq 24,5 mln. manat təşkil edib.
Cari ilin oktyabrın 1-nə bankın aktivləri 403,8 mln. manat olub ki, bu da 2016-cı ilin sonu ilə müqayisədə 9,8% azdır. Hesabat dövründə bankın kredit portfeli 169,5 mln. manat təşkil edib. Son 9 ayda Bank tərəfindən verilmiş kreditlərdə 20,2% azalma müşahidə olunub.
Kreditlərin 90%-i Bakı, digər 10%-i isə Sumqayıt şəhəri üzrə realizə edilib. Kreditlərin 35%-i şəxsi məqsədlər üçün fiziki şəxslərə,30%-i ticarət və xidmət sahələrinə, 14%-i sənaye sahəsinə, 21%-isə digər sahələr üzrə ayrılıb.
Bununla yanaşı, problemli kreditlərin ümumi kredit portfelindəki payı 30,9% təşkil edib. Hesabat tarixinə bankın məcmu öhdəlikləri 12,5% azalaraq 343,3 mln. manat olub ki, bunun da 302 mln. manatı müştərilərdən cəlb olunan depozitlərdir. Son 9 ayda “Yapı KrediBank Azərbaycan”ın depozit portfelində 40,9% artım müşahidə olunub. Depozitlərin strukturunda fiziki şəxslərin əmanətlərinin payı 41%, hüquqi şəxslərin depozitlərinin payı isə 59% təşkil edib Qeyd edək ki, “Yapı KrediBank Azərbaycan”ın məcmu kapitalı ötən ilin sonuna olan göstərici ilə müqayisədə 8,6% artaraq 60,5 mln. manat təşkil edib.
“Yapı KrediBank Azərbaycan”ın problemli kreditlərinin həcmi 31%-dək artıb
11:02
3 Noy 2017
