Dünyanın ən böyük elektron ticarət və texnologiya şirkətlərindən biri olan “Amazon” özünün bank xidmətini yaratmağa hazırlaşır.
Bütün xidmətləri online ödənişlərə əsaslanan “Amazon” bank hesabı və kredit kartı olmayan istehlakçıları da cəlb etmək üçün yeni bank sistemi yaradır.
FED.az-ın “The Wall Street Journal”a istinadən verdiyi xəbərə görə, Türkiyə bazarına da girməyə hazırlaşan “Amazon” banklar vasitəsilə əldə edilə bilən bir məhsul üzərində iş aparır.
“Amazon” banklara rəqib olmaq istəmədiyini vurğulayır. Şirkət təqdim etdiyi xidmətlə hesabları, ödəniş proseslərini sürətləndirməyi və komissiyanı azaltmağı planlayır.
