2025-ci ilin ilk yarısının yekunlarına əsasən, Azərbaycanın istehlak kredit portfelinin həcminə görə ən böyük banklarının adları açıqlanıb.
Bankların 30 iyun 2025-ci il tarixinə olan maliyyə hesabatlarına istinadən hazırlanan siyahıya görə, 14 bankın istehlak kredit portfeli 100 milyon manatı ötüb.
Renkinqə 3 milyard 48 milyon manatla “Kapital Bank” ASC başçılıq edir.
İkinci yerdə 1 milyard 927 milyon manatla “Azərbaycan Beynəlxalq Bankı” (ABB) ASC qərarlaşıb.
“Unibank KB” ASC 630 milyon 570 min manatla üçüncü, “Bank of Baku” ASC isə 623 milyon 910 min manatla dördüncü olub.
Digər banklar arasında “Bank Respublika” ASC 332 milyon 535 min manat, “Rabitəbank” ASC 329 milyon 386 min manat, “Azər Türk Bank” ASC 307 milyon 958 min manat, “Yelo Bank” ASC 292 milyon 940 min manat, “AccessBank” QSC isə 265 milyon 961 min manat istehlak kredit portfelinə malikdir. Siyahının davamında “Xalq Bank” ASC (251 milyon 173 min manat), “Expressbank” ASC (214 milyon 775 min manat), “TuranBank” ASC (191 milyon 838 min manat), “PAŞA Bank” ASC (125 milyon 227 min manat) və “Bank VTB (Azərbaycan)” ASC (105 milyon 412 min manat) qərarlaşıb.
Portfeli 100 milyon manatdan az olan banklar arasında “Yapı Kredi Bank Azərbaycan” QSC (94 milyon 488 min manat), “Premium Bank” ASC (44 milyon 15 min manat), “Bank BTB” ASC (42 milyon 545 min manat), “AFB Bank” ASC (26 milyon 581 min manat), “Bank Avrasiya” ASC (17 milyon 169 min manat), “Ziraat Bank Azərbaycan” ASC (16 milyon 95 min manat), “Azərbaycan Sənaye Bankı” ASC (7 milyon 451 min manat) və “Bank Melli İran”ın Bakı filialı (1 milyon 841 min manat) yer alıb.
