2025-ci ilin birinci yarımilində Azərbaycanda kredit portfelini ən çox artıran bankların adları məlum olub.
Bankların 30 iyun 2025-ci il tarixinə olan maliyyə hesabatlarına əsasən, kredit portfelinin artım dinamikasına görə ilk sırada “Ziraat Bank Azərbaycan” ASC qərarlaşıb. Bankın portfeli 200 milyon 650 min manat və ya 47,2% artıb.
İkinci yerdə “Bank Respublika” ASC gəlir – 283 milyon 298 min manat artımla 22,8%.
“Yapı Kredi Bank Azərbaycan” QSC 70 milyon 706 min manat artımla (22,5%) üçüncü, “AFB Bank” ASC isə 32 milyon 482 min manat artımla (19,1%) dördüncü olub.
Növbəti yerlərdə “Rabitəbank” ASC 144 milyon 302 min manat artımla (18,9%), “Azərbaycan Sənaye Bankı” ASC 45 milyon 727 min manat artımla (17,7%) və “Yelo Bank” ASC 148 milyon 490 min manat artımla (17,5%) qərarlaşıb.
Siyahıda, həmçinin, “Bank of Baku” ASC (104 milyon 351 min manat artımla 14,6%), “Azərbaycan Beynəlxalq Bankı” (ABB) ASC (834 milyon 748 min manat artımla 14,4%), “Expressbank” ASC (61 milyon 705 min manat artımla 14,0%), “AccessBank” QSC (143 milyon 666 min manat artımla 13,3%), “Kapital Bank” ASC (588 milyon 727 min manat artımla 12,3%) və “Bank VTB (Azərbaycan)” ASC (23 milyon 882 min manat artımla 11,2%) yer alıb.
