Dövlət bankı Azər Türk Bank müştərilərinə xidmətin keyfiyyətini daha da yüksəltmək məqsədilə hüquqi şəxs və fərdi sahibkarlar tərəfindən əməkdaşları üçün əməkhaqqı kartlarının əldə edilməsi prosesini tam olaraq sadələşdirib.
Azər Türk Bank birinci yarım ili yüksək göstəricilərlə - BAŞA VURDU
FED.az xəbər verir ki, bank tərəfindən “atb business” internet bankçılıq xidmətində istifadəyə verilmiş yeni funksionalın köməyi ilə əməkhaqqı kartlarının sifarişi üçün müqavilə formalaşdırılması, müştəri və bank tərəfindən elektron şəkildə imzalanması mümkündür.
Bu xidmətdən faydalanmaq üçün fərdi sahibkar və hüquqi şəxs olan müştərilərin Bankda hesab açmaqla “atb business” xidmətinə qoşulması kifayətdir.
Xatırladırıq ki, əməkhaqqı kartı tam funksionallıdır və onun əsas özəlliyi bu kartlar vasitəsilə ticarət və xidmət müəssisələrində edilən ödənişlərin 30%-dək hissəsinin keşbek olaraq hesaba qaytarılması və kartların qalığına illik 5,5% dərəcəsi ilə gündəlik faiz hesablanmasıdır.
Bankın məhsul və xidmətləri barədə ətraflı məlumatı https://atb.az saytından, bankın sosial şəbəkələrdəki rəsmi korporativ səhifələrindən, WhatsApp (055) 3000 945, yaxud 945 nömrəli Çağrı Mərkəzindən əldə edə bilərsiniz.
