Dövlət bankı Azər Türk Bankın hüquqi şəxs olan müştərilərinə və fərdi sahibkarlara kartlarla aparılan ödənişlərin qəbulu üçün müasir ekvayrinq xidmətlərini - E-POS virtual ödəniş qəbulu terminalı və POS/Smart Kassa qurğularını təklif edir.
Eləcə də bax: Azər Türk Bank kredit kampaniyasının - MÜDDƏTİNİ UZATDI
Belə ki, E-POS xidməti sahibkar tərəfindən müştərilərinə təqdim etdiyi xidmət və ya məhsullar müqabilində kartlarla aparılan ödənişlərin onlayn qaydada qəbul edə biləcəyi unikal vasitədir və ənənəvi “Elektron ticarət” (E-commerce) xidmətinin sadələşdirilmiş bir növüdür. Onlayn satışı müxtəlif sosial şəbəkələr və digər kanallar üzərindən həyata keçirən sahibkarlara müştəri ödənişlərinin bu xidmət vasitəsilə qəbul etmək üçün internet saytın açılması tələb edilmir.
E-POS xidmətinə qoşulan sahibkar məhsul və xidmət əldə etmək istəyən müştərilərinə onlayn ödəniş üçün istənilən sayda link (keçid) yaratmaq imkanına malik olur. Alıcı, Bank tərəfindən SMS və ya e-mail vasitəsilə göndərilən linkə daxil olmaqla, istənilən bank kartı ilə ödəməni həyata keçirir. Bütün əməliyyatlar “3D Secure” protokolu ilə qorunur. Eləcə də sahibkar “ATB Business” vasitəsilə link üzrə bütün ödənişlərin statusuna nəzarət edə və hesabatlar yarada bilir, həmçinin CASHBACK əldə edir.
Azər Türk Bankın sahibkar müştərilərinə təklif etdiyi digər ekvayrinq məhsulu yeni nəsil POS / Smart Kassa qurğusudur. Qeyd olunan cihaz ənənəvi POS-Terminal funksiyası ilə yanaşı, smart kassa aparatı və bir çox əlavə imkanları özündə birləşdirir. Müasir “Android” platforması üzərində çalışan, “touchscreen” ilə təchiz edilmiş bu qurğular aşağıdakı imkanlara malikdir:
- Eyni cihazın həm fiskal onlayn kassa qurğusu, həm də POS-terminal olaraq istifadəsi
- Məhsul və xidmətlərin siyahısının əlavə edilməsi imkanı
- Smartfon, ağıllı saat və digər ödəniş alətləri ilə təmassız ödəniş imkanı
- Qurğunun müəssisədaxili uçot sistemi ilə birbaşa inteqrasiyası (“1C” və s.)
- Satış dövriyyəsi barədə hesabatların əldə edilməsi və s.
Qeyd olunmalıdır ki, Bank Smart Kassa xüsusiyyətlərini özündə daşıyan qurğuları müştərilərə əlavə ödəniş tələb edilmədən təqdim edir və müştəri yalnız POS-terminaldan istifadə üzrə komissiya haqqını ödəyir.
Bütün sahibkarlar heç bir ödəniş etmədən Azər Türk Bankda hesab açaraq, “ATB Bussines”də qeydiyyatdan keçməklə sözügedən xidmətlərdən faydalanmaq üçün müraciət edə bilərlər.
Daha ətraflı məlumatı https://atb.az saytından, Azər Türk Bankın sosial şəbəkələrdəki rəsmi korporativ səhifələrindən, WhatsApp (055) 3000-945, yaxud 945 nömrəli Çağrı mərkəzindən əldə etmək olar.
