Dövlət bankı Azər Türk Bankın hər zaman əlverişli şərtlərlə təqdim etdiyi müxtəlif növ kredit məhsullarının sırasına “Lombard krediti” də əlavə olundu.
Bankın mətbuat xidmətindən FED.az-a daxil olan məlumata görə, müştərilərinin iqtisadi rifahının yaxşılaşmasına önəm verən bank, indi özünün Gəncə filialı vasitəsilə, müəyyən aylıq gəliri olan hər bir fiziki şəxsə sərfəli faizlərlə “Lombard krediti” təklif edir.
6, 12, 18 ay müddətinə rəsmiləşdirilən bu kreditin maksimal məbləği 10 min manatdır. Qeyd edək ki, girov qismində qızıl-zinət əşyaları və bank metalları qəbul edilir.
Bundan başqa müştərilər Bankın əməkhaqqı kartlarının sahibləri üçün “Korporativ”, yalnız şəxsiyyət vəsiqəsi ilə “Əmanət qarşılığında kredit”, “İpoteka”, ”İstehlak” kreditləri və Ödəniş kartı vasitəsilə açılan kredit xəttindən də yararlana bilərlər.
Bu barədə daha ətraflı məlumatı www.azerturkbank.az saytından, Bankın sosial şəbəkələrdəki rəsmi korporativ səhifələrindən, yaxud (012) 945 nömrəli Məlumat Mərkəzindən əldə edə bilərsiniz.
Azər Türk Bank “Lombard krediti” təklif edir
11:51
3 Aprel 2018
