30 iyun 2025-ci il tarixinə “Accessbank”ın faiz gəlirləri 121 milyon 337 min manat təşkil edib.
FED.az bu barədə bankın rüblük hesabatına istinadən xəbər verir.
Bu, ötən ilin anoloji dövrü ilə müqayisədə 13 milyon 589 min manat və ya 12,6% artım deməkdir.
Faiz gəlirlərinin mütləq əksəriyyətini – 115 milyon 611 min manatını müştərilərə verilmiş kreditlər üzrə faiz gəlirləri təşkil edib. Bu göstərici ötən ilin eyni dövrü ilə müqayisədə 12 milyon 940 min manat və ya 12,6% artıb.
Hesabat dövründə banklara və digər maliyyə institutlarına verilən kreditlər üzrə faiz gəlirləri 973 min manat və ya 63% artaraq 2 milyon 517 min manata çatıb.
Bankların və digər maliyyə institutlarındakı depozitlər üzrə faiz gəlirləri demək olar ki, dəyişməyərək 964 min manat səviyyəsində qalıb.
Ticarət və investisiya qiymətli kağızları üzrə faiz gəlirləri 2 milyon 245 min manata bərabər olub.
Xatırladaq ki, 30 iyun 2024-cü il tarixində “Accessbank”ın faiz gəlirləri 107 milyon 748 min manat təşkil etmişdi.
