2022-ci ildə Azərbaycanda 2049 ədəd və ya 2021-ci illə müqayisədə 30 ədəd (-1,4%) az minik avtomobili istehsal olunub (yığılıb).
Hibrid avtomobillərinə görə - 3 İL VERGİ ÖDƏNİLMƏYƏCƏK
FED.az xəbər verir ki, bu, Dövlət Statistika Komitəsinin illik hesabatında bildirilir.
Qeyd edilib ki, minik avtomobilləri üzrə, 01.01.2023-cü il vəziyyətinə hazır məhsul ehtiyatı 270 ədəd təşkil edib.
Xatırladaq ki, Dövlət Statistika Komitəsi 2021-ci il üzrə illik hesabatında, Azərbaycanda 2043 ədəd minik avtomobili istehsal olunduğunu açıqlamışdı. Komitə son hesabatında 2021-ci ildə 2 079 ədəd minik avtomobili istehsal edildiyinə işarə edib.
2021-ci illə müqayisədə 2022-ci ildə traktorların istehsalı 9,7 faiz və ya 63 azalaraq 588 ədəd təşkil edib. Traktorlar üzrə, 01.01.2023-cü il vəziyyətinə hazır məhsul ehtiyatı 18 ədəd təşkil edib. 2021-ci ildə Azərbaycanda 651 ədəd traktor yığılmışdı. (Marja)
