3 mart 2026-cı il tarixində saat 10:00-da bir sıra dövlət qurumlarına məxsus avtomobillər hərraca çıxarılacaq.

• Mərkəzi Banka məxsus avtomobillər - TƏKRAR HƏRRACA ÇIXARILIR - QİYMƏTLƏR

FED.az xəbər verir ki, satışa çıxarılan avtomobillər müxtəlif nazirlik və qurumlara məxsusdur və onlar üzrə start qiymətləri ilə yanaşı, 10 faiz beh məbləği də müəyyən edilib.

Müdafiə Nazirliyinin balansında olan nəqliyyat vasitələri sırasında 1998-ci il buraxılışlı IVEKO M23 xüsusi təyinatlı avtobus yer alır. Avtomobilin start qiyməti 6 min 750 manat, beh məbləği isə 675 manat təşkil edir. Eyni quruma məxsus 2003-cü il buraxılışlı Mercedes-Benz S350 minik avtomobili 3 min 750 manat start qiyməti və 375 manat beh ilə satışa çıxarılıb. Bundan əlavə, 2006-cı il buraxılışlı PAZ-3205 markalı avtobusların bir neçəsi satış siyahısına daxil edilib və bu nəqliyyat vasitələri üzrə ümumi start qiyməti 15 min manat, beh məbləği isə 1 min 500 manat müəyyən edilib.

Hesablama Palatasının balansında olan iki ədəd Toyota Camry minik avtomobili də satışa çıxarılıb. Hər iki avtomobil 2014-cü il buraxılışlıdır. Dövlət nömrə nişanı 90YE732 olan avtomobil üçün start qiyməti 10 min 500 manat, beh məbləği 1 min 50 manat, 90YF824 nömrəli avtomobil üçün isə start qiyməti 10 min 750 manat, beh məbləği 1 min 75 manatdır.

Nazirlər Kabinetinin İşlər Müdiri qurumunun balansında olan 2006-cı il buraxılışlı BMW 730Li minik avtomobili 5 min 500 manat start qiyməti və 550 manat behlə, BMW 760Li markalı avtomobil isə 6 min manat start qiyməti və 600 manat behlə satışa təqdim olunur.

Xarici İşlər Nazirliyinin balansında olan 2014-cü il buraxılışlı BMW 528i minik avtomobili 14 min manat start qiyməti və 1 min 400 manat behlə satışa çıxarılıb.

Bakı şəhəri Yasamal Rayon İcra Hakimiyyəti başçısının 3 nömrəli sahə inzibati ərazi dairəsi üzrə nümayəndəliyinin balansında olan 2006-cı il buraxılışlı Nissan Maxima minik avtomobili 3 min 200 manat start qiyməti və 320 manat behlə satışa təqdim edilir.

“Azəristiliktəchizat” ASC-nin balansında olan 1989-cu il buraxılışlı UAZ-3741 xüsusi təyinatlı avtomobil 1 min 300 manat start qiyməti və 130 manat behlə satış siyahısına daxil edilib.

Samux Rayon İcra Hakimiyyətinin balansında olan 2006-cı il buraxılışlı BMW 730Li minik avtomobili üçün start qiyməti 5 min manat, beh məbləği isə 500 manat müəyyən edilib.

Müdafiə Sənayesi Nazirliyinin Milli Aerokosmik Agentliyinin tabeliyində olan Akademik Tofiq İsmayılov adına Təbii Ehtiyatların Kosmik Tədqiqi İnstitutuna məxsus 1998-ci il buraxılışlı QAZ-3110 minik avtomobili 1 min 550 manat start qiyməti və 155 manat behlə satışa çıxarılıb.

Gənclər və İdman Nazirliyinin tabeliyində olan “Azəridmanservis” MMC-nin balansında olan BMW 730Li minik avtomobili 8 min 500 manat start qiyməti və 850 manat behlə satışa təqdim olunur. Nazirliyin öz balansında olan digər BMW markalı avtomobillərdən 2011-ci il buraxılışlı BMW 730 minik avtomobili 15 min manat, 2006-cı il buraxılışlı BMW 730Li isə 8 min 600 manat start qiyməti ilə satışa çıxarılıb.

Fövqəladə Hallar Nazirliyinin Tibb Xidmətinin balansında olan 2006-cı il buraxılışlı BMW 525i minik avtomobili 10 min 500 manat, Nissan Pathfinder markalı avtomobil isə 12 min manat start qiyməti ilə satışa təqdim edilir.

Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin Təsisatdankənar Dövlət Ekspertiza Baş İdarəsinə məxsus Nissan Pathfinder minik avtomobili 11 min manat, Chevrolet Epica minik avtomobili isə 5 min 500 manat start qiyməti ilə satış siyahısına daxil edilib.

“Tibbi Ərazi Bölmələrini İdarəetmə Birliyi” publik hüquqi şəxsin tabeliyində olan Neftçala Rayon Mərkəzi Xəstəxanasının balansında olan 2004-cü il buraxılışlı QAZ markalı təcili tibbi yardım avtomobilləri 5 min manat start qiyməti və 500 manat behlə satışa çıxarılıb.

Maliyyə Nazirliyinin balansında olan Nissan Maxima, Chevrolet Niva və digər minik avtomobilləri 2 min 800 manat ilə 3 min 500 manat arasında dəyişən start qiymətləri ilə satışa təqdim edilir.

İqtisadiyyat Nazirliyi yanında Əmlak Məsələləri Dövlət Xidmətinin tabeliyində fəaliyyət göstərən “Korporativ İdarəetmənin Təşkili və Koordinasiya Mərkəzi” publik hüquqi şəxsin balansında olan 2014-cü il buraxılışlı Audi A6 minik avtomobili 19 min manat start qiyməti və 1 min 900 manat behlə satışa çıxarılıb.

Ekologiya və Təbii Sərvətlər Nazirliyinin Nəqliyyat İdarəsinin balansında olan 2008-ci il buraxılışlı KamAZ 6520 yük avtomobili isə 1 min 400 manat start qiyməti və 140 manat behlə satış siyahısına daxil edilib.

avtomobillər üzrə cərimə və məhdudiyyətlər ilə bağlı məsələlərin həlli balanssaxlayıcı təşkilatlar tərəfindən təmin olunmalıdır.

 Sifarişlər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) hərracın keçirilməsinə ən gec 3 (üç) bank günü qalanadək qəbul olunacaqdır: Nəqliyyat vasitələri barədə ətraflı məlumatı auksion.gov.az saytından almaq olar. Hərracda iştirak etmək üçün (elektron sifariş verənlər istisna olaraq) hərracın keçirilməsinə ən azı 3 bank günü qalanadək aşağıdakı sənədlər təqdim olunmalıdır:
1. Sifarişçinin şəxsiyyətini təsdiq edən sənəd (Hüquqi şəxslər üçün:notarial qaydada təsdiq olunmuş qeydiyyat şəhadətnaməsi, nizamnaməsi və VÖEN)
2. Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti tərəfindən müəyyən edilmiş hesaba behin köçürülməsini təsdiq edən sənəd. (10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir)

Hərrac günü sifarişçilərin hərrac zalına daxil olmaq üçün qeydiyyatı saat 09:45-dək aparılır.