May ayından etibarən İranda boş mənzillərə görə ev sahiblərindən vergi alınacaq.
Eləcə də bax:Azərbaycanlılar 2 ayda bu ölkədə - 145 Mənzil Alıb
FED.az xəbər verir ki, bunu İranın Vergi məsələləri üzrə Təşkilatının sədri Ümidəli Parsa deyib.
Eləcə də bax: Daha bir ölkədə boş evlərdən - Böyük Vergi Tutulacaq
Ü.Parsanın sözlərinə görə, vergi mənzilə qoyulacaq aylıq icarə haqqının yarısı qədər olacaq.
O, əlavə edib ki, İranın Vergi məsələləri üzrə Təşkilatında bütün ölkə üzrə məlumatların toplanması üçün lazımi strukturlar yaradılmaqdadır. Cari ildə bütün satış mərkəzləri, iqtisadi mərkəzlər İranın Vergi məsələləri üzrə Təşkilatına qoşulacaq və daha çox iqtisadi şəffaflığa və minimum vergi yayınmasına səbəb olacaq.
Ü.Parsa deyib ki, vergi yayınması ilə mübarizə əsas prioritetdir. Bu rəqəm ötən il (20 mart 2020 – 20 mart 2021) təxminən 450 trilyon rial (təxminən 10,7 milyard dollar) olub. (Trend)
