“Azərkosmos” ASC Tacikistanda Dünya Bankının qrant dəstəyi ilə “Kənd Təsərrüfatı Sahibkarlığının İnkişafı” mərkəzinin elan etdiyi “Məsafədən zondlama metodları vasitəsilə məhsulun proqnozlaşdırma sisteminin yaradılması” layihəsi üzrə keçirilən tenderin qalibi olub. 

Eləcə də bax: "Azərkosmos" Yaponiya şirkəti ilə - MÜQAVİLƏ İMZALAYIB

FED.az bu barədə şirkətə istinadən xəbər verir. 

Tenderin qalibi olaraq “Azərkosmos” “Azersky” peykindən əldə olunan təsvirlər əsasında Tacikistan ərazisində kənd təsərrüfatı əhəmiyyətli torpaqların monitorinqi və məhsuldarlığın proqnozlaşdırılması üzrə konsultasiya xidməti göstərəcək. “Azərkosmos” sözügedən layihəni Tacikistanın su ehtiyatlarının idarə olunması üzrə fəaliyyət göstərən OBRU təşkilatı ilə birgə icra edəcək.

Qeyd edək ki, beynəlxalq rəqabətli tender prosesində “Azərkosmos”la yanaşı, 15-ə yaxın şirkət iştirak edib.