Status

1%-lik nağdlaşdırma vergisi ləğv olunur?  - MƏHKƏMƏ QƏRARI

1%-lik nağdlaşdırma vergisi ləğv olunur?  - MƏHKƏMƏ QƏRARI | FED.az
09:33 5 Dek 2018

Azərbaycanda bütün biznes və bank müştərilərinin diqqətində olan mühüm bir yenilik var. Azərbaycan Ali Məhkəməsi bank müştərilərindən bankların xeyrinə tutulan 1%-lik nağdlaşdırma vergisininin qanunsuz sayılması ilə bağlı iddialar üzrə qərar qəbul edib.

Bu barədə iddianın müəllifi, tanınmış hüquqşünas Əkrəm Həsənov bildirib. Onun sözlərinə görə, nağdlaşdırma vergisinin qanunsuz sayılaraq ləğv edilməsi üçün iddialara hələ ötən il başlayıb. Bir neçə instasiya məhkəməsinin fərqli qərarlarından sonra Ali Məhkəmə bununla bağlı öz qərarını açıqlayıb.

ELƏCƏ DƏ BAX: “Bakıxanov-Çörək”in torpağı “AzVirt”in borcuna görə girov qoyulacaq

«Absurd 1%-lik nağdlaşdırma vergisinin qanunsuzluğunun tanınması uğrunda mübarizəyə - tutulan verginin qaytarılması üzrə Vergilər Nazirliyinə qarşı iddiaya ötən ilin əvvəlindən başlamışam. Ötən il 1 saylı Bakı İnzibati-İqtisadi Məhkəməsi, ardınca isə Bakı Apellyasiya Məhkəməsi iddiamı mümkünsüz hesab etmişdi.

Lakin Ali Məhkəmə (hakim Nigar Rəsulbəyovanın sədrliyi ilə) mümkünsüzlük haqda qərardadı ləğv edərək işi Bakı Apellyasiya Məhkəməsinə qaytarmışdı.

Sonuncu isə işi yenidən 1 saylı Bakı İnzibati-İqtisadi Məhkəməsinə göndərmişdi. Bu ilin mart ayında isə həmin məhkəmənin hakimi Şərafət Məmmədova iddiamı təmin etmiş və sözügedən vergini qanunsuz hesab edərək qaytarılması haqda qərar qəbul emişdi.

Gözlənildiyi kimi, Vergilər Nazirliyi qərardan apellyasiya şikayəti vermişdir. Bakı Apellyasiya Məhkəməsi isə şikayətə mahiyəti üzrə baxmaq əvəzinə iddianı yenidən mümkünsüz hesab etmişdi.

Lakin bu günlərdə Ali Məhkəmə hakim Sevda Hüseynovanın sədrliyi ilə mümkünsüzlük qərardadını ləğv etmiş və işi yenidən Bakı Apellyasiya Məhkəməsinə qaytarmışdır. Beləliklə, mübarizə yenə davam edir və Vergilər Nazirliyi xeyrimə çıxarılmış qərarı mahiyyəti üzrə mübahisələndirməyə məcburdur».

Hüquqşünas bu prosesdə Ali Məhkəmənin rolunu xüsusilə qeyd edib: «İkinci dəfədir ki, bu iddianın mümkünsüz hesab edilməsinin qarşısını alır və bununla da hüquq sistemimizdə qanunsuz ənənənin yaranmasına mane olur. Ölkə tariximizdə verginin özünün qanunsuzluğu uğrunda mübarizə təcrübəsi indiyədək olmayıb. Bu ilkdir. Vətəndaşın verginin qanunsuzluğu uğrunda mübarizə aparmağa hüququ var. Qərb demokratiyası, vətəndaş cəmiyyəti və hüquqi dövləti məhz bu mübarizə nəticəsində hazırkı səviyyəyə gəlib çatıb. Bu səbəbdən işin yekun nəticəsindən asılı olmayaraq, bu məhkəmə prosesinin mövcudluğu belə müsbət haldır və məhz buna görə də bəziləri var güclə prosesin özünün qarşısını almaq istəyir. Həmçinin ona görə ki, cari proses bu cür qanunlar yazanların savadsızlığını çılpaqlığı ilə göstərir.

Eyni zamanda xanım hakimlərimizin (Nigar Rəsulbəyova, Şərafət Məmmədova və Sevda Hüseynova) ədalətli mövqeyini vurğulamaq istəyirəm. Məhz bu xanımlar iş üzrə xeyrimə (son nəticədə isə nağdlaşdırma vergisinin qanunsuzluğunun tanınması istiqamətində) qərarlar vermişlər! Tanıyaq!»-deyƏ hüquqşünas bildirib.

Digər xəbərlər