Mərkəzi Bankın təqdim etdiyi məlumata görə, iyunun 1-nə ölkənin bank və digər kredit təşkilatlarının kredit portfeli milli valyuta ekvivalentində 14 milyard 765,7 milyon manat olub.

FED.az xəbər verir ki, Dövlət Statistika Komitəsindən bildirilib ki, ümumi kredit portfelinin 12 milyard 187,5 milyon manatı və ya 82,5 faizi uzunmüddətli kreditlərin payına düşüb. Kreditlərin 97,3 faizi banklar, 2,7 faizi isə bank olmayan kredit təşkilatları və kredit ittifaqları tərəfindən verilib. Ödəmə vaxtı keçmiş kreditlərin məbləği 1 milyard 84,8 milyon manat olub və ümumi kredit portfelinin 7,4 faizini təşkil edib.