Pablo Pikassonun "Mavi paltarda oturan qadın" rəsm əsəri Nyu-Yorkda hərracda 45 milyon dollara satılıb.
BBC-nin yaydığı məlumata görə, rəsmdə Pikassonun sevgililərindən biri - Dora Maar təsvir olunub. Onların münasibəti doqquz il davam edib.
Rəssam əsərini 1939-cu ildə, onun 58 yaşı, sevgilisinin isə 31 yaşı olarkən yaradıb.
Qeyd edək ki, bu, Pikassonun rəssamlıq irsinin ən mühüm əsərlərindən biridir.
"Mavi paltarda oturan qadın" rəsm əsəri artıq bir dəfə satılıb: altı il əvvəl ona görə 26 milyon dollar ödənilib.
