“Tesla” və “Space X” şirkətlərinin yaradıcısı İlon Mask yeni startap yaradıb.
FED.az xəbər verir ki, bu barədə o, özünün “Twitter” mikrobloqunda məlumat verib.
Amerikalı iş adamı bildirib ki bir-biri ilə, “Lego” konstruktoru prinsipi ilə birləşən daş kərpiclər buraxmağı planlaşdırır. Onlardan həm binalar, həm də abidələr inşa etmək mümkün olacaq.
Qeyd edək ki, layihəni “The Boring Company” şirkəti tərtib edəcək. “Böyüklər üçün Lego”nun ilk buraxılışı qədim Misirə həsr olunacaq. Bu daşlardan ehramlar yığmaq mümkün olacaq.
Mask həmçinin qeyd edib ki, bu tikililər seysmik yüklər üçün hesablanacaq.
