Son Xəbərlər

Bu gündən 6 marşrut xəttində nağd ödəniş dayandırılıb

Bu gündən 6 marşrut xəttində nağd ödəniş dayandırılıb | FED.az
10:56 1 Sen 2016

Bu gündən etibarən Bakıda daha 6 marşrut xətti üzrə (18, 61, 65, 79, 85, 96) hərəkət edən avtobuslarda ödəmə kart vasitəsilə həyata keçiriləcək. Bu barədə Bakı Nəqliyyat Agentliyi məlumat verib.

İlk mərhələdə 6 marşrut xətti üzrə 117 avtobusda validatorların quraşdırılması təmin edilib. Ümumilikdə yaxın zamanlarda daha 400 avtobusda validatorların quraşdırılması nəzərdə tutulub.

Qeyd edək ki, vahid kart sisteminin tətbiq edildiyi 15 marşrut xəttində və Bakı metropolitenində gediş haqqının ödənilməsi "BakıKart" sistemi ilə həyata keçirilir.

Kard vasitəsilə ödənişin tətbiqi Bakı şəhərində müntəzəm sərnişindaşıma sahəsində xidmət göstərən daşıyıcı şirkətlər qarşısında vahid kart sisteminə keçidin tətbiqinə dair Bakı Nəqliyyat Agentliyi tərəfindən qoyulan tələbə uyğun olaraq həyata keçirilir.

Digər xəbərlər