“Bakı Sığorta” investisiya gəlirinin artması və xərclərinin azalması hesabına xalis mənfəətini artırıb.

“Bakı Sığorta” ASC 2018-ci ili 334 min 421 manat xalis mənfəət ilə başa vurub. Bu, 2017-ci illə müqayisədə 71 min 923 manat və ya 27,4% çoxdur. Şirkət 2017-ci ili 262 min 498 min manat xalis mənfəət ilə bağlamışdı.

FED.az şirkətin maliyyə hesabatlarına istinadən xəbər verir ki, 2018-ci ildə “Bakı Sığorta”nın cəmi gəlirləri 2 milyon 109 min 409 manat, cəmi xərcləri 1 milyon 691 min 382 manat, əməliyyat mənfəəti (maliyyə mənfəəti) 418 min 26 manat təşkil edib. Şirkət ötən il 83 min  605 manat mənfəət vergisi ödəyib.

2017-ci ildə “Bakı Sığorta”nın cəmi gəlirləri 2 milyon 500 min manat, cəmi xərcləri 2 milyon 172 min manat təşkil etmiş, 328,1 min manat maliyyə mənfəətindən 65,6 min manat mənfəət vergisi ödəmişdi.

2017-ci illə müqayisədə 2018-ci ildə “Bakı Sığorta”nın cəmi gəlirləri 391 min 365 manat və ya 15,6%, cəmi xərcləri isə 481 min 269 manat və ya 22,2% azalıb. Xərclərin azalması gəlirlərin azalmasını üstələdiyindən “Bakı Sığorta”nın mənfəəti illik müqayisədə artıb.

2017-ci ildə “Bakı Sığorta”nın topladığı sığorta haqları 1 milyon 287 min manat ikən, 2018-ci ildə 1 milyon 25 min manat təşkil edib. İllik müqayisədə sığorta ödənişləri isə 283 min 221 manatdan 197 min 476 min manata düşüb.

İllk müqayisədə şirkətin investisiya gəliri 16,7% artaraq 730 min 88 manata yüksəlib.

“Bakı Sığorta” 2017-ci illə müqayisədə ötən il işlərin aparılması xərclərini 17,8% azaldıb.

31 Dekabr 2018-ci il tarixində “Bakı Sığorta” ASC 10 milyon 553 min manat cəmi aktivlərə, 1 milyon 276 min manat cəmi öhdəliklərə və 9 milyon 278 min manat cəmi kapitala malik olub.

31 Dekabr 2017-ci il tarixində “Bakı Sığorta” 10 milyon 728 min manat cəmi aktivlərə, 1 milyon 784 min manat cəmi öhdəliklərə və 8 milyon 944 min manat cəmi kapitala malik idi.

Eləcə də bax: Sığorta şirkətindən “Diqlas”dakı yanğınla bağlı - AÇIQLAMA

©Marja